O pasado venres tivo lugar o acto de clausura desta edición do Campus Mileniun, durante 9 días unha actividade na que participaron preto de 150 niñ@s.
Ao longo destes días desenvolvemos unha chea de actividades como golf, xogos tradicións, visitas, talleres de reciclaxe, saídas ao Aquaparck … e sobre todo xogamos moito ao baloncesto. Nas próximas xornadas colgaremos un vídeo resumen de todo o que fixemos durante esta edición
Desde este momento comezamos a pensar na próxima XX edición do Campus, para que todo estea preparado o próximo verán para que podamos gozar ao máximo dun novo capítulo do Mileniun.
Desde o Club, queremos dar as grazas a todas as empresas que colaboraron connosco: Leyma Natura, Sanbrandán, DKV seguros, Deportivo da Coruña SAD, Verduras frescas e Mundocio; ás institucións que facilitaron o noso traballo: Concello da Coruña, Concello de Cerceda, Xunta de Galicia e Deputación; así como aos monitores e auxiliares por ese esforzo impagable que desenvolveron para que todo saíse ben. A todos eles moitas grazas.
