Esta mañá tivo lugar a rolda de prensa de Sergio García, previa ao encontro de mañá martes 22 en #OFornodeRiazor, e que enfronta a Leyma Coruña e Tizona Burgos na Xornada 10, primeira da segunda volta da primeira fase.
Na comparecencia, Sergio comenta que ?sen apenas adestramentos para preparar o partido, pero sempre axuda vir dunha vitoria, sobre todo como a do outro día. Estamos a preparar un partido que nos vai a esixir. Burgos cambiou ao adestrador fai dúas xornadas. Xa fixeron un partido moi sólido na pista de Oviedo e o outro día foron capaces de gañar a todo un Valladolid. Entón, destacando un equipo que ten unha capacidade para anotar moi grande, como demostraron o outro día, e unha ameaza ao tiro de 3 puntos moi grande. Son capaces de tirar en situacións rápidas, en situacións de 5 para 5, mesmo tiros defendidos? teñen esa capacidade, e é unha situación algo diferente para nós e témonos que mentalizar para minimizarlles o que podamos, porque se non é un equipo moi perigoso no aspecto anotador?.
Sobre o persoal do rival, o técnico indica que ?teñen un persoal completo, cunha boa mestura. Xogadores de moitísima experiencia e traxectoria na liga, como Galarreta, Uriz, Iván Martínez? e logo xogadores con moita capacidade de tiro (en caso dos estranxeiros) con Joseph, Rawson, Reaves? Teñen unha boa mestura de xogadores con experiencia e xogadores novos ou novos na competición, e co cambio de adestrador víuselles un novo impulso e convértelles nun equipo perigoso, pero nós temos que ser optimistas, estamos de sorte de resultados, temos que tentar seguir por aí para tentar achegarnos canto antes ao noso primeiro obxectivo de pasar o primeiro corte?.
En canto ao público que pode acudir mañá ao Palacio, con 500 espectadores, Sergio di que ?o outro día polas limitacións de pista e aforamento eran moi poquitos afeccionados, pero fixéronse sentir e axudaron especialmente ao final do partido aos xogadores. Nós agora esperamos que o público siga estando cos xogadores, apoiándolles, porque eles vanlles a necesitar. Entón eu animo a que podamos completar eses 500 espectadores e que sigan na mesma liña de apoiar aos xogadores e recompensar o esforzo que pon os xogadores pola camiseta do Leyma Coruña e que nos sigan axudando para manter esta serie positiva de resultados e que entre todos sexamos capaces de cumprir ese primeiro obxectivo?.
Se queres comprar a túa entrada para o encontro, podes facelo nas nosas oficinas ou na seguinte ligazón: https://venda.basquetcoruna.t2v.com/index/index
A cita, mañá ás 20:00 horas en #OFornodeRiazor.
