Nova convocatoria do cadete Jorge García coa preselección galega cadete

Jorge García Barreiro é un dos cadetes do Básque Coruña convocados polo corpo técnico da Selección Galega Cadete masculina, do que forma parte como axudante,o tamén laranxa Héctor Méndez Vidal. O seleccionador, tras a marcha por temas deportivos do anterior técnico Diego Fernández, será o extécnico do noso equipo de LEB Ouro Perico Díaz. Jorge fora preseleccionado para a concentración que tivo lugar en Marín o 9 e 10 de setembro e agora chega esta nova convocatoria.

O lugar elixido pola Federación Galega de Baloncesto para a concentración foi o Pavillón Manuel Coto Ferreiro da Estrada. Alí os 16 xogadores convocados terán dúas xornadas de traballo divididas en sábado e domingo de 12:00 a 14:00 e de 18:00 a 20:00, finalizando ás 20:30 do propio domingo 1 de outubro.

Desde aquí desexámoslle moita sorte a Jorge e a todos os xogadores das categorías inferiores do Club Leyma Básquet Coruña que foron convocados para as diferentes concentracións que se realizan este fin de semana.