O Leyma Coruña presentou esta mañá na cafetaría A Olímpica a tres das súas novas fichaxes Sergi Piñeiro, Braxton Ogbueze e Jonathan Araujo.
O técnico Gustavo Aranzana agradeceu ao tres o seu compromiso e a continuación os propios protagonistas atenderon aos medios de comunicación alí presentes. O dominicano Jonathan Araujo quixo dar as ?grazas ao club pola oportunidade?. ?Vexo ao equipo ben, faremos bo traballo e porei o nome do equipo ben alto?, declarou.
Pola súa banda, Ogbueze indicou ?estar con moitas ganas de empezar a tempada e aprender a cultura de España?. Definiuse como un xogador ?traballador?. ?Douno todo polos meus compañeiros e adestrador e podo exercer tanto como un como como de dous?, describiu.
Mentres, o contrastado Sergi Piñeiro recoñeceu que levaba tempo querendo recalar no Leyma Coruña. ?Grazas ao club por traerme, hai anos que quería vir. É un club grande que pode aspirar a ACB e este ano era a miña primeira opción e cando saíu dixen que si?, afirmou. Sobre el, indicou que chega para axudar coa súa experiencia ao equipo. ?Vou achegar a miña experiencia, axudar aos rapaces e que o deamos todo en pista e gocémolo. É a primeira vez que son dos veteranos dese equipo?, comentou.
Coupe Landolt
O Leyma Coruña xogará mañá venres, e o domingo, A Coupe Landolt, un cuadrangular no que os coruñeses, que xogan por primeira vez en pretemporada un torneo internacional, mediranse ás 18.45 ao Union Neuchatel e o domingo se vence xogará a final ás 16.30 horas contra o campión do choque entre a BBC Monthey Chablais e Givova Scafati Basket.
