A XXI edición do Campus Milenium arrincou este luns con 160 inscritos, debido á alta demanda deste campamento multideporte. Os nosos participantes, divididos en batallóns de grandes, medianos e pequenos, teñen programados cada día dous bloques de baloncesto nos que melloran as súas destrezas ou, nalgúns casos, realizan a primeira toma de contacto con este deporte. Ademais, para que as sesións sexan se cabe máis inspiradoras, os nosos xogadores gozaron da visita do pivote do primeiro equipo do Básquet Coruña Sergio Olmos. O interior gozou cos nenos e converteuse nun máis durante os adestramentos.
Ademais dos xogos populares, predeportivos e o xogo dos sentidos, e concursos de baloncesto os integrantes do Campus puideron practicar outro tipo de modalidades deportivas. Os batallóns de medianos e maiores practicaron piragüismo na praia de Oza grazas á colaboración de SD As Xubias, e practicaron rugby da man do CRAT, tamén no areal coruñés.
Este mércores os máis pequenos gozaron cunha visita ao Aquapark de Cerceda, onde ademais da diversión acompañoulles o bo tempo.
Mentres, medianos e maiores, ademais de baloncesto, deporte que todos os días está presente en todos os batallóns, xogaron ao Quidditch muggle. Esta modalidade, coñecida polos libros e películas de Harry Potter, contou coa colaboración da asociación deportiva do Quidditch Coruña. Esta disciplina conta con Campionatos tanto a nivel estatal como europeo e supuxo para os nenos unha novidade dentro do planning de actividades.
Mañá xoves afrontaremos o cuarto día de Campus Milenium e prometémosvos que as sorpresas e a diversión volverán estar aseguradas.
