O Leyma Coruña caeu na cancha do Retabet Bilbao Basket (87-59), nun encontro marcado polas perdas e os problemas no rebote.
O comezo do partido estivo equilibrado, ambos os equipos sumaron puntos, ata que chegou un parcial de 9-0 a favor do Retabet Bilbao Basket.
O segundo cuarto comezou sen acerto para ambos os equipos e non foi ata o ecuador que empiezaron a reaccionar. Neste cuarto, os locais tiveron ao seu favor un parcial de 10-0, que o Básquet Coruña soubo contrarrestar con dous triplos de Ferreiro e Jeff Xavier, para chegar ao descanso cun marcador de 44-37.
Os locais comezaron a distanciarse á volta do descanso, rompendo definitivamente o partido. O Leyma non atopou o ritmo e continuou con perdas e problemas no rebote. Para chegar a un último cuarto, onde se produciu a renda máxima de todo o partido, con 30-0 a favor dos locais. Ademais, Jeff Xavier retirouse tras un golpe fortuíto e recibiu unha ovación de Miribilla.
A falta de acerto na actuación grupal fixo que o partido se decantase polos locais (87-59). O próximo partido do Leyma Coruña será en #OFornodeRiazor, o día 22 de febreiro, ás 20.45 horas ante o Cáceres.
