DE VOLTA
"Hai que ter moito coidado ao cruzar a rúa,explicaba o educador colombiano Gustave Wilches a un grupo de nenos:
-Aínda que haxa luz verde, nunca vaian cruzar sen mirar ao carón, e despois ao outro.
E Wilches contou aos nenos que unha vez un automóbil atropelárao e deixouno tombado no medio da rúa.
Evocando aquel desastre que case lle custou a vida, Wilches engurrou a cara. Pero os nenos preguntaron:
-De que marca era o auto? Tiña aire acondicionado? E teito solar eléctrico? Tiña faros antinéboa? De cantos cilindros era o motor??
("A escola do mundo ao revés". Eduardo Galeano)
Preciosa mañá de sábado para asomarnos nun airiño a Ferrol, ao pintoresco pavillón de Caranza onde todo é atípico pero a boa vontade fai que sintas como en casa.
Vímonos poucas e con frío, así que a falta de Blanquita tiramos de mascota e a quentar. Empezamos sen ritmo, cun (7-7) moi enganoso mantido a golpe de contraataque. O segundo cuarto xa foi outro cantar, cun parcial de 10-0 ao comezo do período que nos levou inevitablemente a romper os xoguetes (2-21). Pechamos a primeira parte cunha vantaxe de 19 puntos que nos facía buscar outros horizontes para seguir no partido.
O que pasa é que se lle pides aos galgos que xoguen como elefantes pasa o que pasa, míranse unhas a outras e din, ?que carallo! esta tócame a min?. O egoísmo propio da idade e un par de experimentos tácticos mantivéronnos espertas no marcador (8-11), cun esforzo constante. O último cuarto foi máis do mesmo (5-8), aínda que se fixo sentir o desgaste de defender a toda pista os 40 minutos.
Aínda así, e a pesar de preguntar varias veces pola cilindrada do Ferrari, estreamos conceptos novos, tentamos sentirnos xogadoras de salón e aprendemos que hai que seguir botando moedas na hucha do futuro, que aquí a música non cesa e acáballenos a tempada. Unha mágoa a lesión temperá de Mayte, que estará de volta en breve e co dobre de ganas.
Star Center Spartans 22 (7+2+8+5): López, A., Sabio, A., Blas, M., Blas, B., Branco, M., Garnelo, A., Bellón, M., Díaz, L., López, N., Vigo, L.
Adestrador: Castro, M. A.
Básquet Coruña Leyma 02 47 (7+21+11+8): Adela Villar, Sara Lara, Sofía Cernadas, Iria Candal, Sara Añón, Esther Veiga, Mayte Villca, Sara Fernández. Animou ao equipo Lucía Méndez.
Adestradores: Edda Beltrán, Olalla Luaces, Laura Pozo.
