Coincidindo co partido entre Leyma Coruña e Liberbank Oviedo, o programa "17 partidos, 17 causas" que o club leva a cabo co apoio da Obra Social ?a Caixa?, homenaxeará a CASCO (Comité Cidadán Anti-Sida de Coruña), para tratar de concienciar sobre a loita contra a sida e a exclusión social.
Devandita homenaxe producirase, como vén sendo habitual, durante o intermedio entre o primeiro e o segundo cuarto. CASCO desenvolve accións de prevención cos colectivos de maior risco, ademais de prestar acollida en pisos e no Punto de calor, local con servizos básicos de hixiene, alimentación e sociabilización, co obxecto de favorecer a calidade de vida das persoas máis vulnerables, e especialmente das afectadas por esta enfermidade.
A asociación, nacida por iniciativa dun grupo de persoas enfermas de SIDA e/ou infectadas polo VIH a principios dos 90, conta cun equipo de profesionais que, con voluntarios, desenvolve múltiples programas en prol das persoas enfermas de Sida, así como doutros colectivos en situación de clara vulnerabilidade e exclusión, co apoio de institucións autonómicas e locais. Así mesmo, desenvolven a súa actividade no ámbito das prisións, prestando unha asistencia integral a aspectos legais, de saúde e de inserción.
Desde o Básquet Coruña queremos homenaxear o gran traballo que leva a cabo CASCO e concienciar sobre a importancia da prevención e a non exclusión social das persoas portadoras de VIH.
