Anxo González Casado, Uxía Cascales López e o noso técnico Adrián Álvarez González, convocados coas seleccións galegas para o Campionato de España Mini de San Fernando

Os nosos xogadores da canteira do Básquet Coruña Anxo González Casado, Uxía Cascales López e o noso técnico Adrián Álvarez González, en calidade de axudante coa selección masculina, foron convocados coa selección galega para participar no Campionato de España Mini de San Fernando (Cádiz) que se disputará do 13 ao 17 de abril.

Unha competición a nivel estatal na que os nosos mozos canteiráns gozarán dunha experiencia deportiva e formativa de gran valor competindo e compartindo xornadas de convivencia cos mellores xogadores da súa xeración de España.

Desde o Básquet Coruña desexamos moita sorte aos nosos convocados e desexamos que gocen desta gran oportunidade.

Esta web emprega cookies. Se continúas navegando entendemos que aceptas a nosa Política de cookies.