Por acordo unánime do Consello de Administración de Club Basquet Coruña, S.A.D. (a "Sociedade") de data 25 de setembro de 2020, en cumprimento do disposto nos estatutos sociais da Sociedade e de conformidade coa vixente Lei de Sociedades de Capital, convócase aos accionistas da Sociedade á Xunta Xeral Ordinaria que se celebrará o día 29 de decembro de 2020, ás 20:00 horas, en Sálgaa Cultura do Sporting Club Casino da Coruña, rúa Real, 83, 1ª planta, en primeira convocatoria; e, de ser necesario, ás 20:00 horas do día 30 de decembro de 2020, en segunda convocatoria, neste caso na sede da Sociedade (presumiblemente a Xunta celebrarase en primeira convocatoria), de acordo co seguinte
Orde do día
Primeiro.- Informe do Presidente e/ou Vicepresidente.
Segundo.- Exame e, no seu caso, aprobación das Contas Anuais correspondentes ao exercicio económico terminado o 30 de xuño de 2020.
Terceiro.- Exame e, no seu caso, aprobación da proposta de aplicación do resultado do expresado exercicio económico terminado o 30 de xuño de 2020.
Cuarto.- Exame e, no seu caso, aprobación da xestión do Órgano de Administración durante o último exercicio.
Quinto.- Nomeamento de auditores de contas da Sociedade.
Sexto.- Lectura e aprobación da Acta da Xunta ou, no seu caso, designación de dous socios como interventores para a aprobación da mesma xunto co Presidente da Xunta Xeral.
Non obstante o anterior, tendo en conta da situación provocada pola Covid-19 e co propósito de salvagardar os intereses xerais, a saúde e seguridade dos accionistas, empregados e demais persoas que interveñen na preparación e celebración da Xunta, a asistencia á Xunta Xeral de Accionistas poderase realizar por medios telemáticos que permitan a conexión en tempo real co local onde se desenvolve a mesma. Neste sentido, infórmase os socios accionistas que desexen concorrer á Xunta por medios telemáticos que deben solicitar a súa asistencia á mesma antes das 23:59 horas do 23 de decembro de 2020, mediante o envío á dirección de correo electrónico club@basquetcoruna.com dun simple escrito comunicando a súa intención de asistencia telemática. A incorporación efectiva á reunión por vídeo conferencia poderase realizar mediante a invitación que a Sociedade remitirá persoalmente a cada un dos accionistas, unha vez verificada a súa solicitude.
Se a situación da pandemia na data prevista de celebración da Xunta Xeral impedise ou desaconsellase a celebración da Xunta con presenza física de accionistas, a Sociedade poderá determinar que a Xunta se celebre nas mesmas datas e hora previstas neste anuncio de forma exclusivamente telemática. En tal suposto a Sociedade enviará a invitación prevista no parágrafo anterior a todos os accionistas.
Dereito de información:
De conformidade co previsto nos artigos 272.2 e 287 da Lei de Sociedades de Capital, calquera accionista, a partir da presente convocatoria, poderá obter da Sociedade, de forma inmediata e gratuíta, os documentos que han de ser sometidos á aprobación da mesma, así como o informe do auditor de contas, ou terá á súa plena disposición todos estes documentos para a súa análise no domicilio social da Sociedade.
Dereito a complementar a orde do día:
De conformidade co artigo 172 da Lei de Sociedades de Capital os accionistas que representen polo menos o cinco por cento do capital social poderán solicitar que se publique un complemento á presente convocatoria. O exercicio destes dereitos deberá facerse mediante notificación fehaciente que haberá de recibirse no domicilio social dentro do cinco días seguintes á publicación desta convocatoria.
Dereito de representación:
Todo accionista poderá outorgar a súa representación a outra persoa, aínda que non sexa accionista, para asistir á Xunta Xeral cumprindo os requisitos e formalidades esixidas polos estatutos sociais e a Lei. A representación deberá conferirse por escrito ou por medios de comunicación a distancia que cumpran cos requisitos establecidos na Lei de Sociedades de Capital para o exercicio do dereito de voto a distancia e con carácter especial para cada xunta. Entenderase que a presenza do accionista na Xunta Xeral revoga dita representación.
A Coruña, a 25 de novembro de 2020.- O Secretario do Consello de Administración da Sociedade, D. Enrique Muñoz Lagarón.
