Co proxecto 17 partidos, 17 causas, que xa foi presentado e estreado no primeiro partido do Leyma Coruña en casa, chega a cooperación no día de hoxe, con FEAFES Galicia e APEM. A Federación de Asociacións de Familiares e Persoas con Enfermidade Mental en Galicia, entidade sen ánimo de lucro que pretende representar os dereitos e as necesidades do movemento asociativo das persoas con enfermidade mental, será hoxe a protagonista no partido que disputa o primeiro equipo no Palacio dos Deportes de Riazor.
O día non pode ser máis propicio, xa que hoxe 10 de Outubro, conmemórase o Día Mundial da Saúde Mental, co apoio da OMS (Organización Mundial da Saúde) para dar a coñecer a realidade, reivindicacións e necesidades deste colectivo. Este ano o tema elixido é a saúde mental no lugar de traballo.
FEAFES Galicia ,a través das 14 asociacións que a conforman, creou a acción ?Ou que teño na mente? como lema de diferentes accións que veñen levando a cabo desde o 2 de outubro e que se estenderán ata o 18 de outubro nun total de 25 localidades da Comunidade Autónoma de Galicia.
Ademais de todas as actividades previstas, hai outra acción a través das redes en forma de mural dixital no que todos podemos participar. A difusión en redes farase a través do hagstag #oqueteñonamente.
Desde o Leyma Coruña, e sempre da man da Obra Social ?a Caixa? queremos facer de nova énfase na necesidade de dar visibilidade a asociacións como FEAFES, de carácter social, cuxo obxectivo principal é a creación e adopción de medidas que contribúan á mellora da calidade de vida das persoas que sofren problemas de saúde mental así como aos seus familiares.
