Esta web emprega cookies. Se continúas navegando estarás a aceptar o seu uso. Máis información

Primer equipo | 01/02/2017 18:00

Tito Díaz pide á afección que axude a arrincar unha nova vitoria en Riazor, esta vez ante o FC Barcelona

Tito Díaz pide a la afición que ayude a arrancar una nueva victoria en Riazor, esta vez ante el FC Barcelona

Tras o parón ligueiro da última semana, o Leyma Coruña volve xogar en Riazor este venres 3 de febreiro ás 21:00 horas. Ante el, o FC Barcelona Lassa, que acaba de gañar fóra de casa ao CB Prat, no partido aprazado disputado o pasado xoves, rompendo así a mala serie do equipo azulgrana.

Na súa análise previa do choque deste venres, Tito Díaz explicou que os seus se atoparán cun rival "cambiado animicamente e no seu persoal" con respecto ao que era no partido da primeira volta, ao lograr agora cortar a mala serie de catorce derrotas consecutivas e tamén polas novas incorporacións como o pivote Volodymir Gerun, procedente dos rioxano Calzados Robusta, e o xa ex laranxa Dago Peña, que non xogará nesta xornada.

A este respecto, o adestrador do Leyma Coruña felicitou ao conxunto azulgrana pola súa última fichaxe, dadas as dificultades que arrastran os barceloneses na competición, e desexou o mellor tanto ao xogador como ao seu novo equipo.

Sobre o encontro do venres, Tito Díaz destacou o completo persoal do rival, con algúns dos mellores novos xogadores a nivel europeo, con grandes pivotes como Volodymyr Gerun, Atoumane Diagne, Wesley Sena e mesmo Jordi Trías que ás veces xoga nesa posición. Non menos reseñables as súas bases: Stefan Peno -que non xogou no encontro de ida contra os coruñeses-, Víctor Sada e Pol Figueras. Así mesmo, lembrou o perigo de tiradores exteriores como Aleix Font, Màxim Esteban, Nedim Djedovic e Rodions Kurucs, a quen tampouco se enfrontaron os laranxas na ida.

En canto ao conxunto coruñés, asegurou que os seus están a xogar e adestrando moi ben, "cada vez mellor en defensa, cada vez máis xuntos en rebote de ataque, con ritmo, e seguimos sendo dos máis anotadores da liga", polo que augurou que veremos un bo baloncesto, entre dous equipos cun estilo similar, "alegre e vistoso".

O preparador do Leyma Coruña fixo un chamamento á marea laranxa para que acudan a Riazor este venres, pola importancia de arrincar unha vitoria que manteña ao Leyma Coruña nos postos altos da táboa, no seu obxectivo de entrar na fase de playoff de ascenso á ACB. Lembrou que "para isto temos que manternos fortes en casa, porque agora tócanos un calendario moi duro fóra", e por iso pediu "neste partido especialmente que coincidimos co Depor, que a nosa xente veña connosco, necesitámoslles".

Documentos adjuntos

tito-diaz-previa-j22.m4a







non á violencia de xénero
Xunta de Galicia


Deseño Web Duacode




federación española de baloncestofederación galega de baloncestoXacobeo 21·22xunta de galiciaayuntamiento de a coruñagbs financeduacode. software y diseño. mezclado, no agitado.obra social la caixaimaxin softwareaudasatranviascaixabankaltiaagra das mil medasmacronabeconsamastilquirón grupo hospitalarioautocares j pomboarkivoltaad grupo regueiraaurencentro negocios finisterreGrupo Alumandos deportemarineda citysavills aguirre newmanprivate bank citiTradisco, Tratamientos de construcciónGrupo Liñagar