A vitoria lograda polo Leyma Básquet Coruña nun dos dous partidos deste fin de semana en Lugo volve traer a serie de playoff a Riazor este martes ás 21:00 horas. O conxunto que dirixe Tito Díaz quere sentir de novo o estímulo e o pulo dos seus afeccionados, cos que cada día crece en empatía e conexión.
De cara a un partido cargado de bo baloncesto e adrenalina, os prezos establecidos polo Club para a adquisición das entradas son 15 euros para o público adulto e 5 euros para o infantil -ata 18 anos-. No caso dos abonados, pagarán 5 euros salvo os infantís, cuxa entrada é gratuíta, do mesmo xeito que a dos xogadores do club.
Quen comprasen o pack dos dous primeiros partidos de playoff celebrados en Riazor poderán adquirir a súa entrada por 12 euros se se trata de adultos e 2 euros se son menores de 18 anos. O prezo para os abonados será igualmente de 5 euros, e a súa bonificación será a posibilidade de comprar dúas entradas máis ao mesmo prezo de 5 €. Para beneficiarse das rebaixas pola compra anterior destes packs é necesario adquirir as entradas presencialmente na sede do club, en Arquitecto Rei Pedreira, 3, ou en despacho de billetes mañá martes a partir das 19:00 horas, e para iso presentar o xustificante de compra do pack, ou a entrada se se adquiriu o pack en despacho de billetes.
