Os próximos días 9 e 10 de setembro (sábado e domingo respectivamente), o noso xogador cadete masculino Jorge García Barreiro, foi convocado para a concentración da preselección galega da súa categoría que se celebrará en Marín.
O corpo técnico conformado por Diego Fernandez López (actualmente adestrador do Santo Domingo de Betanzos de Liga EBA), Héctor Méndez Vidal (adestrador axudante) e Marcos Pereira Bartolomeu (delegado), convocaron a 17 xogadores para esta preselección. Este staff ten tamén grandes doses de sentimento laranxa, xa que Héctor é un dos adestradores con maior traxectoria no noso club, facéndose cargo este ano do equipo infantil de 1ª división. Ademais Diego Fernández, o adestrador principal, tamén ten pasado recente laranxa.
A convocatoria de preseleccionados, terá lugar, como dixemos antes, en Marín, os días 9 e 10 de Setembro na Residencia San Narciso, onde están citados os xogadores ás 11:30 da mañá do sábado.
Os adestramentos serán de 12:00 a 14:00 e de 18:00 a 20:00 os dous días.
Moita sorte Jorge!
No Club Básquet Coruña estamos encantados de ver como seguen crecendo os nosos xogadores!
