A disputa do playoff de ascenso á ACB entre o Leyma Básquet Coruña e o Café Candeas Breogán muda esta semana o escenario de Riazor polo do Pazo de Lugo.
Tendo en conta que a calor e a presenza masiva da afección laranxa en Riazor foron esenciais nas vitorias cultivadas polo equipo de Tito Díaz na recta final da liga regular e na actual rolda eliminatoria, o Club Básquet Coruña anima aos coruñeses a seguir apoiando ao equipo desde a bancada. Con este fin facilitará o seu desprazamento á cidade veciña para gozar dos derbis de playoff deste venres ás 21:00 horas e domingo ás 18:00 no pavillón lucense.
Os interesados en viaxar no autobús fretado polo club grazas á colaboración de Autocares Pombo só pagarán o prezo da entrada a cada partido e, ademais, Jamonerías Piñeiral colaborará distribuíndo bocadillos gratuitamente para o regreso no autobús do club.
En canto ao prezo das entradas individuais por cada encontro, para o non abonados será de 15 euros os adultos, 10 euros os estudantes ata 25 anos e maiores de 65, e 5 euros os menores de 18 anos.
Quen desexen reservar praza de autobús ou unicamente comprar as súas entradas deben acudir á sede do Club Básquet Coruña en cálea Arquitecto Rei Pedreira número 3, desde mañá mércores de 10 a 13:30 e de 16:30 a 20:00 horas e o xoves no mesmo horario de mañá e entre 16:30 e 20:30 horas da tarde.
Saída do autobús e horario:
Venres ás 19:15 horas desde o parking do Palacio dos Deportes de Riazor
Domingo ás 16:00 horas desde o parking do Palacio dos Deportes de Riazor
