Antes de que comecen as vacacións escolares os xogadores do Leyma Coruña quixeron finalizar o programa Colexios con Gancho desta tempada visitando outros dous centros escolares da cidade.
A principios desta semana participaron nas Xornadas GO!! de Hábitos Sans, no colexio de educación especial María Mariño, situado nas Xubias. Ata alí desprazáronse Larry Abia e Javi Lucas, xunto co preparador físico Gustavo Gago. Ademais de demostrar as súas destrezas co balón, os laranxas animaron aos asistentes a practicar hábitos de vida saudables que lles axuden nos seus obxectivos de crecemento persoal.
Posteriormente foi a quenda do Coruña British School, onde Kyle Rowley, Zach Monaghan e Gediminas Zyle reuníronse con escolares de Infantil de 3, 4 e 5 anos. A sesión comezou coa presentación dun vídeo coas mellores xogadas deste tres deportistas na recentemente finalizada tempada, seguido dun intre de charla en inglés e, finalmente, uns minutos de baloncesto entre grandes e pequenos.
Á volta do verán, máis Colexios con Gancho e sentimento laranxa!
