Esta web emprega cookies. Se continúas navegando estarás a aceptar o seu uso. Máis información

Actividades | 27/04/2017 17:51

Novas visitas da xogadores LEB Ouro a colexios con gancho

Nuevas visitas de los jugadores LEB Oro a colegios con gancho

Antes de comezar a apertada axenda dos playoff de ascenso á ACB, os xogadores do Leyma Coruña continuaron as súas visitas a centros escolares da cidade e a súa contorna, dentro do seu programa de promoción do deporte da canastra "Colexios con gancho".

Nesta ocasión, nenos e nenas do CEIP de Zalaeta gozaron da charla e o xogo en compañía de Sergio Olmos, Zach Monaghan e Gedeminas Zyle, e outro tanto fixeron Javi Lucas, Tuti Sabonis e o noso capi Anxo Hernández durante a súa estancia no Colexio Esclavas, nas inmediacións do Pazo dos Deportes de Riazor.

Uns e outros compartiron cos escolares as súas experiencias vitais e deportivas, do mesmo xeito que fixeron en semanas anteriores no IES María Casares, Colexio Santo Domingo FESD (Dominicos), Colexio de Fomento Montespiño, Artai e CEIP Wenceslao Fernández Flores.

Con estas visitas, o Club quere axudar á formación dos máis novos a través de exemplo dos xogadores do Leyma Coruña, xa que a pesar das moitas horas que dedicaron na súa vida ao baloncesto non descoidaron os seus estudos, sendo boa parte deles licenciados e diplomados en diversas disciplinas, o que lles converte nun modelo para os mozos en idade escolar. Nestas visitas transmiten as súas experiencias deportivas e de superación persoal, as súas diferentes nacionalidades, idiomas e culturas, circunstancias todas elas que, lonxe de dificultar a convivencia, son unha fonte de aprendizaxe, enriquecemento persoal e respecto, que lles axudan a comportarse como un equipo e unha familia.

Ademais do intre de charla e conversación cos escolares, a segunda parte das visitas dedícase a compartir un bo intre de xogos no pavillón ou a pista do centro, como mellor mostra de que o baloncesto é fonte de saúde e de crecemento nos valores sociais para a convivencia e a igualdade.

Finalmente, todos os participantes reciben unha entrada para o seguinte partido do Leyma Coruña en Riazor. Cada unha desas entradas de público infantil dá dereito a retirar unha máis en despacho de billetes o día do partido, ben de adulto ou ben outra para menores de 18 anos.








Xunta de Galicia

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostaraltiaagra das mil medaswibohorno sanbrandanabeconsamastilquirón grupo hospitalarioautocares j pomboarkivoltatermariaad grupo regueiraaurencentro negocios finisterred calvodos deportegalimascota tanatoriosmarineda citymarineda city