Primer equipo | 28/02/2021 14:20
Lesión de Augustas Peciukevicius
A Coruña, a 28 de febreiro de 2021. O Club Básquet Coruña SAD lamenta comunicar que durante o transcurso do partido disputado na tarde de onte entre o Leyma Coruña e o Cáceres Patrimonio da Humanidade, que finalizou con vitoria do equipo coruñés por 68-46, Pecius tivo que ser retirado do campo ao producirse unha lesión no seu pé esquerdo. Seguindo as instrucións do Doutor Lariño, despois dunha primeira exploración na enfermaría do Palacio dos Deportes de Riazor, decidiuse trasladar ao xogador inmediatamente ao Hospital Quirón Saúde da Coruña, onde horas despois confirmábanse as primeiras impresións e diagnosticábase que o xogador sofre unha rotura do seu tendón de Aquiles no pé esquerdo.
Esta mesma mañá someteuse ao xogador a unha cirurxía reparadora do seu tendón no Hospital Quirón da Coruña, e que foi moi satisfactoria, polo que xa queda un día menos para a volta de Pecius ás pistas, que lamentablemente non poderá disputar ningún partido do que resta desta tempada.
Desde o Club queremos agradecer as mostras de agarimo recibidas e as mensaxes de ánimo ao xogador, que estamos seguros que volverá con máis forza se cabe que antes.
Primer equipo | 27/02/2021 14:20
O camiño a seguir
Primer equipo | 05/03/2021 14:20
Sergio García: ?Temos que facer un traballo xeral moi bo para gañar nunha pista complicada?
