O noso adestrador Héctor Méndez foi proposto pola área Deportiva da Federación Galega de Baloncesto para formar parte do corpo técnico da Selección Galega na categoría Cadete Masculina na tempada 2017-2018.
Felicitamos a Héctor por este recoñecemento da FGB ao bo facer do técnico laranxa, que nesta pasada tempada realizou un gran traballo como director de xogo do equipo preinfantil masculino do club, como sen dúbida volverá facer á volta do verán. Un labor que agora se amplía á preparación da Selección Galega Cadete Masculina cara á celebración do Campionato de España da súa categoría no mes de xaneiro de 2018.
