Para despedir a primeira semana do Campus Milenium, hoxe estreamos unha divertida modalidade de balompé cuxa peculiaridade consiste en xogar enfundados nunha burbulla, cos pés ao descuberto para poder golpear o balón e unha abertura por encima da cabeza.
Os primeiros en probala foron os batallóns verde e azul, que se riron sen parar chocando cos seus adversarios, rodando polo chan...e sempre caendo en brando! Os membros de cada equipo ?xeralmente dez- tentaban levantarse de novo e esquivar aos do equipo rival para marcar gol, que ao final diso trátase, como no fútbol convencional.
Tamén houbo tempo para practicar o deporte de Rafa Nadal ensaiando golpes, empuñaduras, efectos, posición do corpo, e todo o que faga falta para sorprender ao adversario e facer branco no seu campo, sen darlle tempo a responder.
Moito peloteo de ida e volta que, unido á tolemia do futbol burbulla e ás restantes actividades do día, fai a todos os participantes dignos merecedores dun fin de semana de descanso para repor forzas. O vindeiro luns seguiremos liberando moito adrenalina... Ata pronto!
