Esta web emprega cookies. Se continúas navegando estarás a aceptar o seu uso. Máis información
|| Cadete Fem. 1ªDiv: Básquet Coruña Leyma C - PBB A · 19/06/2021 19:00 Polideportivo Riazor 2 || Pre-Inf Masc. 1ºDiv: Básquet Coruña U13 - Estudiantes Pontevedra · 19/06/2021 12:00 Polideportivo Ventorrillo || Infantil Masc. 2ªDiv: Básquet Coruña U14 - ESCLAVAS · 18/06/2021 19:20 Polideportivo Ventorrillo || Infantil Masc. 2ªDiv: Básquet Coruña 07 - Carniceria Daniel Artai · 20/06/2021 12:00 Polideportivo Riazor 2 || Infantil Masc. 2ªDiv: Básquet Coruña 08 - Arteixo · 20/06/2021 09:30 Polideportivo Riazor 2

Primer equipo | 16/03/2015 17:02

O Leyma vence en Prat e apura as súas opcións de Play Off

El Leyma vence en Prat y apura sus opciones de Play Off

O Leyma chegaba a Prat coñecedor da derrota do Clínicas Recuncho, co que xa tiña asegurada a categoría unha tempada máis. A partir dese momento, o equipo só pensaba nunha vitoria que lles segue dando opcións de alcanzar os postos que dan dereito a xogar polo Play Off de ascenso. 

O partido resultou moi igualado, con pequenas vantaxes no marcador para o Leyma durante todo o partido, a excepción do 15-13 a mediados do primeiro cuarto.  Quitando ese momento, a seriedade coa que afrontaron os laranxas o partido, fixo que levasen a iniciativa durante o resto do partido.

Tras esa situación de apuro, o Leyma, aínda que con diferenzas de menos de 6 puntos mantivo baixo control ao equipo do Prat. Cunha vantaxe de 3 puntos para os nosos chegouse ao descanso (37-40).

Tras o paso polos vestiarios, os nosos saíron moi enchufados e empezaron a abrir brecha no marcador ata alcanzar unha máxima de 14 puntos a 2 minutos para o termo deste terceiro período (39-53). A partir dese momento, os locais incrementaron a súa intensidade defensiva e apertaron na presión ata ir limando aos poucos as distancias no marcador. Con 51 a 60 chegábase ao final deste período.

No último período as cousas non empezaron ben para os nosos que non eran capaces de atopar situacións cómodas de tiro que lles permitisen anotar. Polo seu contra, o Prat mercé a varios roubos de balón, conseguían anotar a través de contraataque. O marcador foise apertando aos poucos ata chegar a reducirse as diferenzas a unicamente 2 puntos a 3 minutos para o final, momento en que os nosos reaccionaron e lograron encarrilar a vitoria a través do dominio do rebote nos momentos máis delicados. Así, o Leyma tróuxose unha nova vitoria á Coruña que lle permite seguir soñando cos Play Off de ascenso.

A próxima semana, o Leyma recibirá a visita doutro equipo implicado a loita dos postos de privilexio. A Unión Financeira Oviedo. Será o vindeiro venres ás 21 horas no Palacio dos Deportes de Riazor.

CB PRAT (17+20+14+12) 63: Álex Ros 21, Frederic Guallar 4, Jose Nogués 8, Víctor Serrano 9, Agustín Sans 2. Tamén xogaron: Gerard Gomila 3, Roger Vilanova 9, David Iriarte 5, Zoran Nikolic 9.

LEYMA BÁSQUET CORUÑA (21+19+20+9) 69: Kyle Rowley 16, Beka Burjanadze 20, Anxo Hernández 7, Larry Abia 0, Jesús Castro 12. Tamén xogaron: Vujasinovic 2, Mutakabbir 4, Petrovic 4,Laszlo Dobos 2, Alberto Homs 2.

Estatísticas do partido 






non á violencia de xénero
Xunta de Galicia


Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñamahougbs financeduacode. software y diseño. mezclado, no agitado.obra social la caixaimaxin softwareaudasatranviascaixabankaltiaagra das mil medasmacronabeconsamastilquirón grupo hospitalarioautocares j pomboarkivoltaad grupo regueiraaurencentro negocios finisterreGrupo Alumandos deportemarineda citysavills aguirre newmanprivate bank citi