O Leyma Coruña ponse por diante na serie ante o ICL Manresa (75-72)

O Leyma Coruña toma vantaxe na serie ante o ICL Manresa (1-2), tras imporse ao ICL Manresa nun emocionante partido que se decidiu na prórroga, tras un tiro de tres de Trevor Cooney na prórroga (75-72).

Os laranxas comezaron liderados por Fliss e Monaghan, mentres que os de Diego Ocampo apoiábanse sobre todo en Trías e Nacho Martín, nun primeiro cuarto no que os visitantes se ían catro arriba (21-25).

O segundo período chegaban os mellores minutos dos locais, que encadeaban un refacho de 12-0 (39-30), cunha anotación moi coral con achega de Olmos, Sonseca, Anxo e Cooney. O Leyma Coruña íase ao descanso dez arriba (44-34).

Tras o paso por vestiarios, os visitantes entraban mellor no terceiro cuarto, cun 0-11 co que se puñan por diante (46-49). Eran minutos complicados para os laranxas, pero Cooney anotaba o duelo (51-51), unhas táboas que rompía Nacho Martín, que volvía responder a un novo triplo, esta vez dun moi inspirado Larry Abia (55-53, min.32).

O último acto, moi apertado, caracterizábase por bos minutos de Monaghan e Pablo Ferreiro, pero aínda que tiñan a última posesión, os coruñeses non eran capaces de anotar e os equipos íanse á prórroga (68-68).

Os laranxas administraban mellor o tempo extra e Cooney case sobre a bucina anotaba o triplo gañador (75-72). Mañá domingo ás 19 horas o Leyma Coruña pode lograr o pase á semifinal se se impón a ICL Manresa. Esperámosvos no Palacio! #SúbetealBásquet