Primer equipo | 23/12/2014 16:18
O Leyma colle forzas para enfrontarse ao Palencia
O equipo adestrouse en dobre sesión o luns e o martes, descansará o mércores e o xoves e volverá adestrarse en dobre quenda o venres para preparar o partido do próximo domingo en Palencia.
Palencia é, sen dúbida, un dos mellores equipos do campionato, conta con xogadores moi experimentados na Adecco Ouro. Ata o momento, unicamente perderon un partido no seu pavillón, fronte ao Oviedo por 65 a 73. Na última xornada derrotaron a Penas Huesca por 66 a 81 a domicilio.
Con respecto á tempada anterior continúan tres xogadores: a base Forcada e os pivots Urko Otegui e Roger Fornas. Para conformar o persoal, chegaron xogadores contrastados como a base Dani Rodríguez procedente do Breogán; os exteriores : Jon Cortaberria, McDowell, Rafa Hortas e Guillermo Xusto; mentres que no xogo interior, reforzáronse con Oliver Arteaga e Tomas Hampl.
Con este partido, o equipo pechará a primeira volta do campionato e o ano 2014.
