Esta web emprega cookies. Se continúas navegando estarás a aceptar o seu uso. Máis información
|| Cadete Fem. 1ªDiv: Básquet Coruña Leyma C - PBB A · 19/06/2021 19:00 Polideportivo Riazor 2 || Pre-Inf Masc. 1ºDiv: Básquet Coruña U13 - Estudiantes Pontevedra · 19/06/2021 12:00 Polideportivo Ventorrillo || Infantil Masc. 2ªDiv: Básquet Coruña U14 - ESCLAVAS · 18/06/2021 19:20 Polideportivo Ventorrillo || Infantil Masc. 2ªDiv: Básquet Coruña 07 - Carniceria Daniel Artai · 20/06/2021 12:00 Polideportivo Riazor 2 || Infantil Masc. 2ªDiv: Básquet Coruña 08 - Arteixo · 20/06/2021 09:30 Polideportivo Riazor 2

Primer equipo | 24/02/2016 18:24

O Leyma Básquet Coruña viaxa a Huesca para enfrontarse ao equipo revelación

El Leyma Básquet Coruña viaja a Huesca para enfrentarse al equipo revelación

Recentemente terminada a semana copeira de baloncesto na Coruña e con partido LEB Ouro polo medio o pasado domingo en Riazor, o conxunto laranxa sóbese mañá ao autobús para enfrontarse ao día seguinte, venres, ao terceiro da táboa, ao Peñas Huesca, na súa pista. Unha cancha que nas dúas últimas tempadas resistiuse ao equipo coruñés.

Os de Tito Díaz teñen ante si un reto difícil, máis aínda tendo en conta o pouco tempo para adestrar e as distraccións dunha semana atípica que estivo marcada por todo o que rodea ao gran torneo da Copa do Rei de baloncesto.

Na súa análise previa desta xornada, o técnico laranxa destacou que o Peñas Huesca "é o equipo revelación da liga", con trece vitorias e nove derrotas, que ocupa o terceiro posto na táboa, e que "estará especialmente motivado porque se nos gaña ten moitas opcións de xogar o playoff con vantaxe de campo".

Ademais, do dez partidos xogados en casa gañaron sete, e os últimos dous "contra equipos tan diversos como Navarra e o Palencia, o líder intratable da liga, e fixérono con diferenzas de 26 puntos", lembrou o adestrador do Leyma Básquet Coruña.

Destacou que o conxunto oscense exhibe un xogo moi sólido defensivamente, especialmente na súa pista, onde ata agora encaixou unha media inferior a 70 puntos. Ten como alicerces os seus bases, ata agora Lluis Costa -que fichou polo ICL Manresa- e Christian Díaz, xunto cos seus pivotes Daniel Bordignon, Gabrielius Maldunas e Goran Huskic, todos eles os máximos anotadores do equipo. Tendo en conta a baixa de Costa, Tito Díaz sinalou que a partir de agora cobrarán maior protagonismo xogadores exteriores como Guillem Colom, Joan Pardina, Jorge Lafuente e Kris Fulwood.

Partido difícil, por tanto, no que, como subliña o adestrador laranxa, os coruñeses deberán limitar ao máximo as perdas de balón ante un rival experto en provocalas, deberá subir o nivel defensivo para evitar que os locais xoguen cómodos no seu camiño ao aro e, en terceiro lugar, deberán gañar a batalla do rebote, un aspecto no que os oscenses promedian 2 puntos máis.

Documentos adjuntos

audio-tito-diaz-previa-j23.MP3







non á violencia de xénero
Xunta de Galicia


Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñamahougbs financeduacode. software y diseño. mezclado, no agitado.obra social la caixaimaxin softwareaudasatranviascaixabankaltiaagra das mil medasmacronabeconsamastilquirón grupo hospitalarioautocares j pomboarkivoltaad grupo regueiraaurencentro negocios finisterreGrupo Alumandos deportemarineda citysavills aguirre newmanprivate bank citi