Esta web emprega cookies. Se continúas navegando estarás a aceptar o seu uso. Máis información

Primer equipo | 01/03/2019 23:54

Dura derrota do Leyma Coruña na prórroga ante os Chocolates Trapa Palencia (93-84)

Dura derrota del Leyma Coruña en la prórroga ante el Chocolates Trapa Palencia (93-84)

O Leyma Coruña sucumbiu na prórroga ante os Chocolates Trapa Palencia (93-84) nun duelo que dominou a maior parte do tempo e no que chegou a estar doce puntos arriba.

Comezaban os laranxas moi serios en defensa e acertados en ataque, liderados por un Zach Monaghan que asinou o seu mellor partido da tempada, anotando 22 puntos, e volvendo sacar do caixón o seu repertorio de triplos imposibles. As boas noticias completábanse con máis minutos para Larry Abia, que asinou cinco puntos no choque.

Establecían xa ao final do primeiro cuarto os coruñeses unha boa diferenza no luminoso e de sensacións (19-25). Mantíñanas no segundo cuarto, a pesar do paso adiante dos locais, para irse sete arriba ao descanso (42-49).

Tras o receso, saían mellor os palentinos, que trataban de impor un ritmo alto e de partido de ida e volta, onde estaban máis cómodos. Tres arriba seguía mandando o Leyma Coruña antes de afrontar o cuarto definitivo (60-63).

Seguía o ritmo frenético do choque, no que os coruñeses non estaban tan cómodos, e vivíase un festival anotador de tiros de tres con Jeff Xabier e Monaghan, respondendo as canastras desde 6,75 de Vasturia. Distanciábanse os locais 81-78 pero non lle tremía a boneca a Sergi Piñeiro para empatar o choque e levar o partido á prórroga.

Cinco minutos nos que os coruñeses non podían contar con Mirza Bulic, con cinco faltas, e nos que só eran capaces de sumar tres puntos, tras o titánico esforzo de todo o choque, no que practicamente sempre mandaran no luminoso. Ao final dura derrota (93-84) do Leyma Coruña, que regresará este domingo ás 12 horas en #OFornodeRiazor para medirse no #DerbiGallego ao COB Ourense.








Xunta de Galicia

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostaraltiaagra das mil medaswibohorno sanbrandanabeconsamastilquirón grupo hospitalarioautocares j pomboarkivoltatermariaad grupo regueiraaurencentro negocios finisterred calvodos deportegalimascota tanatoriosmarineda citymarineda city