Equipos base | 24/11/2016 13:03
Crónica 1ª División Minibasket Masculino: Visita á difícil cancha de Peleteiro
Tocáballe madrugar aos laranxas para enfrontarse ao Peleteiro o domingo ás 10:00 da mañá, no que era o encontro de volta da primeira fase. Na ida, coa estrea ligueira, os coruñeses encaixaran na pista do Agra, a maior diferenza negativa da tempada nun partido que se saldo con 33 puntos de vantaxe para os visitantes.
Peleteiro saíu a por o partido desde o minuto uno, e coa intensidade defensiva que lles caracteriza, castigaron o uso do bote de balón por parte dos coruñeses durante todo o encontro. Aguantaron ao comezo os herculinos póndose 4-6 a favor dos do Leyma con 4 minutos de xogo disputados, pero a partir de aí comezouse a impor con claridade a intensidade defensiva dos locais, defendendo ben o 1x1 e con constantes situacións de 2x1 e mesmo 3x1 que os coruñeses non foron capaces de interpretar correctamente en ningún momento, abusando do uso do dribling para tentar sortear rivais sen éxito e con continuas perdidas de balón que se convertían en situacións claras de canastras para os locais. Co paso dos minutos a diferenza en favor do Peleteiro ía aumentado para chegar ao resultado final de 80 - 39.
Peleteiro - Básquet Coruña: 80 - 39 (10-8, 16-4, 12-7, 15-3, 17-5, 10-12)
Peleteiro: B. Montero, R. Vagoño, J.J. Oreiro, I. Zas, M.J. Espiña, I. Ferreiro, R.J. Espiña, J.M. Ferreiro, E. Moran, P. Rigueiro, G. Fernandez.
Ent.: A. Pérez, P. Gonzalez.
Básquet Coruña: Miguel Valín, Anxo Casais, Rubén Catoira, Nicolás López, Roi Comesaña, Aaron Souto, Mauro Gonta, Pablo Pérez, Jorge Cortés, Román Pérez, Jorge Sans.
Ent.: Jorge López
Esta semana o Básquet Coruña recibirá ao Estudantes de Lugo que leva un refacho de 3 vitorias consecutivas e ocupa a segunda praza da clasificación con 4 vitorias e 2 derrotas no seu haber.
