Hoxe foi un dos días máis calorosos do que levamos de verán na Coruña e por iso no Campus Millenium tivemos unha xornada chea de actividades con auga. Ademais, os nosos mozos máis veteranos puxéronse a proba co pentathlón .
Os máis pequenos gozaron dunha gynkana acuática na que xogaron con globos de auga, mangueiras, cubos... e o equilibrio. Ningún librouse de refrescarse!
No mesmo pavillón e tamén ao aire libre, os participantes de idades entre 13 e 15 anos practicaron o pentathlón, centrándose no tiro de precisión e a carreira, demostrando todos estar en boa forma física e estado de humor. Candea, Álvaro e Lizzy, que repiten por cuarto ano no Campus, achegáronse a contarnos as actividades que realizaran durante o día e explicaron con moita emoción e interese que esta mañá asistiran a unha pequena clase de RCP (reanimación cardiopulmonar) que lles pareceu moi útil.
Así, e cun merecido tenpempié de final de xornada despedimos este día de Campus Millenium no que o sol non parou de brillar.
