Esta web emprega cookies. Se continúas navegando estarás a aceptar o seu uso. Máis información

Primer equipo | 02/05/2017 16:31

Anxo Hernández, Xogador Cinco Estrelas do Leyma Coruña

Ángel Hernández, Jugador Cinco Estrellas del Leyma Coruña

Ángel Hernández recibiu o premio ao Xogador Cinco Estrelas do Leyma Coruña na competición regular. O capitán, que demostrou un gran nivel na cancha desde o inicio da tempada, foi elixido os afeccionados como mellor xogador do seu equipo. Este premio, que foi entregado por Jesús Sáez, Field Mercadotecnia de Mahou en Galicia, acompañado por Manuel Rei, vicepresidente da entidade deportiva, está impulsado por Mahou, un dos patrocinadores do equipo laranxa.

O escolta almeriense, de 25 anos de idade, mostrouse moi agradecido por este recoñecemento que considera "un premio a todo o equipo", posto que na súa opinión non houbo ningún xogador que destacase por encima dos demais. Ángel Hernández tivo palabras especiais para a afección, á que transmitiu o desexo de todo o persoal de ofrecer unha nova ocasión de gozar e soñar.

Tras a vitoria ante o Club Melilla Baloncesto, o conxunto coruñés finalizou a fase regular en sexta posición e adestra para disputar a fase de playoff de ascenso á ACB. Esta semana viaxará a Palencia para xogar o venres e o domingo os dous primeiros partidos da eliminatoria de cuartos de final -ao mellor a cinco partidos-. Os de Tito Díaz móstranse confiados sobre as súas opcións de completar unha boa eliminatoria, aínda que son conscientes de que o ascenso é un obxectivo moi difícil de alcanzar.

Sistema de votación

Os afeccionados do conxunto laranxa votaron a través de Twitter -no perfil do propio club @basquetcoruna- ao seu xogador favorito entre o cinco que acumularon unhas mellores estatísticas ao final da fase regular da competición en LEB Ouro (Zach Monaghan, Filip Djuran, Gediminas Zyle, Anxo Hernández e Javi Lucas). Quen quixeron votar só tiveron que tuitear o nome do seu xogador elixido co hashtag #Jugador5EstrellasBC dentro do prazo establecido.

Coa entrega deste premio, Mahou Cinco Estrelas quere mostrar o seu apoio ao Club Básquet Coruña, ao seu primeiro equipo e a toda a afección coruñesa nun momento crucial da tempada, xusto antes do inicio do playoff de ascenso a ACB.








Xunta de Galicia

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostaraltiaagra das mil medaswibohorno sanbrandanabeconsamastilquirón grupo hospitalarioautocares j pomboarkivoltatermariaad grupo regueiraaurencentro negocios finisterred calvodos deportegalimascota tanatoriosmarineda citymarineda city