Historia

O Club Básquet Coruña nace en xuño de 1996 da unión do equipo de Liga EBA de Arteixo e do Club Baloncesto Ventorrillo da Coruña.

Naquel momento o equipo de Baloncesto da Coruña C.A.B., perde a categoría en EBA e desaparece. Directivos, adestradores e xogadores da Coruña, inician este Proxecto cun claro obxectivo, recuperar o prestixio e a afección ao Baloncesto na cidade.

Tempada 96/97

Comeza na EBA 96/97 cun sétimo posto na fase regular, con Javier Castroverde como adestrador, cargo que ostentaría durante dúas tempadas. Na seguinte, xa se proclama campión da conferencia norte da EBA e semifinalista da fase final, caendo ante o Llobregat.

Tempada 97/98

Xa na tempada 1997/98, repite co título da conferencia norte da EBA, chega á semifinal nacional, sendo derrotado polo Abeconsa Ferrol, o que lle priva do ascenso directo. A súa condición de semifinalista da EBA, permítelle finalmente o seu ascenso á LEB, na tempada 98/99, logrando o posto 13 na fase normal. No Play out imponse a Inca por 3-1.

Tempada 98/99

Na 99/2000, Juan Díaz substitúe a Javier Castroverde como primeiro adestrador e o quipo repite posto, o 13, pero non hai play out ao formarse a Leb 2.

Tempada 2000/01

Na 2000/01 logra a permanencia na LEB ao derrotar no play off de descenso ao Abeconsa Ferrol por 3-0 e na 2001-02 volve sufrir para lograr a permanencia, logrando vencer na eliminatoria de descenso ao Cajasur de Córdoba aínda que problemas económicos obrigan a vender a praza na LEB ao CAI Zaragoza e inscribir ao primeiro equipo en liga EBA grazas ao ascenso desde 1ª división do equipo filial dirixido por Javier Rodríguez.

Tempada 2002/03

Na 2002/03 Juan Díaz deixa o equipo e o ata ese momento o seu adestrador axudante Miguel Anxo Hoyo convértese en adestrador principal, obtén o 4º posto no grupo 1 o que o deixa ás portas de xogar o play off de ascenso.

Tempada 2003/04

Un ano máis tarde na 2003/04, e esta vez baixo as ordes de Javier Rodríguez, logra o obxectivo de alcanzar as eliminatorias polo ascenso e mesmo logra unha praza de ascenso tras vencer a Sabadell pero problemas administrativos fanlle perder a praza conquistada na pista e obriga a afrontar o próximo ano desde Senior zonal. Chégase a un acordo de colaboración co club Atlántico Coruña Baloncesto, recentemente ascendido a 1ª división e sáese nesa categoría. Unicamente disputou unha tempada xa que conseguiu o ascenso con Nacho Rama como adestrador, á liga EBA.

Tempada 2005/06

A tempada 2005/06 comeza unha nova etapa con Antonio Pérez no banco, alcanza o 8º posto no grupo A de a liga EBA con 15 vitorias e 15 derrotas, un ano máis tarde queda ás portas do ascenso á LEB 2 despois de quedar en 2ª posición na tempada regular do grupo A e derrotar nos play off a Ávila e Oliveiral, para perder no partido decisivo fronte a Santa Pola.

Tempada 2007/08

A tempada 2007/08 xoga a LEB Bronce, categoría de recente creación e contra todo prognóstico o equipo consegue o ascenso a LEB PRATA tras derrotar nos play off ao filial do Real Madrid e na final ao potente Balneario de Archena.

Tempada 2008/09

A tempada 2008/09 é a tempada do debut en LEB prata e o equipo quedou clasificado en 15º lugar, mentres que o tres seguintes tempadas, tamén en LEB prata quedou en 9º, 12º e 5º posto respectivamente.

Tempada 2012/13

Na tempada 2012/13, o Leyma Natura Básquet Coruña disputa a Adecco Leb Ouro, dirixido por Antonio Herrera desde o banco, e logra alcanzar os Play Off de ascenso a ACB, perdendo fronte ao River Andorra na eliminatoria dos cuartos de final no quinto partido

Tempada 2013/14 - 2015/2016

Na tempada 2013/14, o primeiro equipo dirixido por Tito Díaz, obtén a mellor clasificación da historia, unha 5ª posición na liga regular, sendo derrotado pola Unión Financeira Oviedo na primeiro rolda dos play off.

Na segunda tempada de Tito á fronte, o equipo queda ás portas do play off de ascenso ao finalizar en décima posición a liga regular.

Tempada 2017/18

No año 2017 comezou a etapa de Gustavo Aranzana como entrenador, un referente do baloncesto español. Con él, na tempada 2017-2018, el equipo alcanzou os Play Off de ascenso  á Liga ACB, caendo no quinto partido fronte a Manresa, equipo que posteriormente obtivo o ascenso a dita categoría, e quedando de 8º na clasificación.

Tempada 2018/19

Sen embargo, na tempada 2018-2019, o equipo non tivo a mesma fortuna que en temporadas anteriores, e non alcanzou a clasificación para xogar os Play Off. Deixando ao equipo no posto 12º terminaba a etapa de Aranzana como técnico no noso equipo, tras dúas tempadas e deixando paso a Sergio García.

Sergio, técnico vasco e que conta cunha dilatada experiencia tanto en LEB Oro como na Liga ACB (de donde chega tras dúas tempadas como segundo entrenador no Delteco GBC) lidera un proxecto renovado e que continúa cun sono na mente, clasificarse para los Play Off de ascenso á Liga ACB.

 

Filosofía do Club

Desde os seus comezos o Club sempre baseou o seu proxecto en tres grandes alicerces: O primeiro deles son as nosas categorías base, unhas categorías que han ido aumentando en número de xogadores nos últimos anos ata alcanzar máis de 6oo nenos repartidos entre os nosos equipos e escolas. Ademais desde a tempada 2004/05 empezan a aparecer dentro da estrutura do Club equipos de categoría feminina. Esta tarefa levounos á obtención de numerosos premios como o recibido no ano 2010 pola Secretaría Xeral para ou deporte á mellor entidade deportiva en promoción do deporte base.

O segundo alicerce son as nosas actividades, máis de 32 desenvolvidas ao longo de todo o ano, nas que o obxectivo primordial é tanto a promoción do baloncesto como a transmisión de valores sociais entre os máis novos a través de diversas accións solidarias. Mercé a todas estas actividades recibimos numerosos recoñecementos como o nomeamento por parte da Fundación FEDYS á mellor Iniciativa Solidaria, dentro destas actividades podemos enumerar o Campus Milenium, Campus de Tecnificación, Campamentos Urbanos, Torneos 3x3 e un longo etcétera nas que chegan a participar máis de 3000 persoas ao longo do ano.

O terceiro destes alicerces sobre o que sustenta noso propósito é o primeiro equipo, o LEYMA BÁSQUET CORUÑA que pretendemos que sexa o noso escaparate e o espello de todos os valores que representa o noso Proxecto. Na actualidade milita na liga Adecco LEB Ouro e día tras día aumenta a súa repercusión na cidade con máis aparicións nos medios de comunicación e afeccionados nas bancadas. Esta tempada, coa mesma filosofía que nas anteriores, o primeiro equipo disputará novamente a Adecco Leb Ouro.

 

Esta web emprega cookies. Se continúas navegando entendemos que aceptas a nosa Política de cookies.