Esta segunda homenaxe da nosa obra social ?17 partidos, 17 causas? será para Proxecto Enki da Fundación Abrente. Coincidindo coa terceira xornada da liga LEB Ouro, como é habitual, a homenaxe realizarase no descanso entre o primeiro e segundo cuarto. A entidade laranxa quere colaborar con este evento dándolle visibilidade e achegando unha serie de entradas para os integrantes da fundación.
Abrente é unha ONG que organiza a sexta carreira ENKI, o vindeiro sábado 19 de outubro. Unha competición lúdico-deportiva que dá visibilidade ás persoas con diversidade funcional, desde unha perspectiva inclusiva, e que contará con 10.000 inscritos esgotando xa as inscricións, o que dá mostras do seu gran acollida.
Os participantes terán que pasar diferentes probas nas que haberá que mancharse con fariña ou auga, ou obstáculos a salvar con cordas, zombies ou pneumáticos, emulando barreiras que moitas veces se atopan as persoas con diversidade funcional no seu día a día.
Nesta carreira colaboran, como moitas outras institucións e promotores, o Concello da Coruña, a Obra Social a Caixa e a Fundación María José Jove.
