A tolemia laranxa que alagou esta tarde #OFornodeRiazor foi determinante na gran vitoria do Leyma Coruña ante o líder da categoría, o Carramimbre Valladolid. A presenza de toda a canteira, xunto cunha entregada afección, levantou ao equipo e fixo máis fácil vencer ao conxunto valisoletano.
Con todo, non foi nada sinxelo o choque. A intensidade coa que saíron ambos os equipos, sumada á falta de puntaría por parte dos locais, facía que ata o descanso, os rojillos mandasen no marcador.
Un descanso no que unha choiva de peluches encheu #OFornodeRiazor de xoguetes para os nenos hospitalizados nestas datas do Nadal.
A continuación do encontro xa demostraba que os laranxas non se ían a render e ían seguir pelexando ata o último suspiro. E así foi. O último cuarto foi o que decidiu o encontro, e grazas a unha canastra do debutante Ashley Hamilton, a vitoria quedou en casa.
O vindeiro sábado toca derbi en Lugo, ante o Breogán. Veremos que ocorre no partido, mentres tanto, estamos cuartos na táboa.
