Esta web emprega cookies. Se continúas navegando estarás a aceptar o seu uso. Máis información

Primer equipo | 02/03/2017 16:51

Tito Díaz: "Debémonos unha en casa"

Tito Díaz: “nos debemos una en casa”

Mañá venres ás 21:00 horas en Riazor, o Leyma Coruña mídese a un enrachado Cáceres Patrimonio da Humanidade, que chega á nosa cidade cun balance de catro vitorias no últimos cinco encontros disputados, e que venceu aos laranxas na primeira volta da competición.

Para ter opcións de gañar esta vez, o adestrador laranxa explicou na análise previa do choque que será necesario facer "un partido moi serio contra un gran rival, nun gran momento de forma e resultados". Destacou o perigo do seu xogo rápido chegando en transición, abrindo moito o campo, facilitando tanto as penetracións a canastra como os tiros liberados, e xogando con catro exteriores porque a súa á pivote Sergio Pérez actúa como beirado e sumar ao caudal anotador de Nikola Rakocevic e Luís Parejo, especialmente.

Por se fose pouca a ameaza exterior, o xogo aberto que xera o Cáceres Patrimonio da Humanidade fai posible a súa segunda baza ofensiva: a letalidade no poste baixo da man de Sandi Marcius, que está promediando 14 puntos, 8 rebotes e foi o MVP da LEB Ouro en febreiro. E a todo iso hai que engadir a agresividade dos de Ñete Bohigas no un contra un, provocando faltas e buscando o tiro libre.

En consecuencia, pediu máxima concentración defensiva para os laranxas, seguir gañando a batalla do rebote como na recente vitoria en Burgos, e evitar a precipitación que xogou malas pasadas nalgúns dos últimos encontros. Sen perder a alegría nin deixar de ser valentes, Tito Díaz pediu boa colocación e paciencia para buscar as mellores opcións cando non sexa posible correr. Tampouco esqueceu manifestar a súa satisfacción pola progresiva adaptación dos recentemente incorporados ao equipo, Justin Johnson e Kyle Rowley, que axudarán ao Leyma Coruña a seguir crecendo e competindo.

"Debémonos unha a nós mesmos", reflexionou, en relación á última derrota en casa contra o rioxano Calzados Robusta, e pediu o apoio da afección coruñesa para seguir na ilusionante loita por entrar nos playoff de ascenso á ACB.

Documentos adjuntos

audio-tito-diaz--previa-j26.m4a










federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahouduacode soluciones webfundación emalcsaobra social la caixaimaxin softwareaudasatranviascaixabankiberostarcoca colaaltiawibociudad cristalhorno sanbrandanabeconsamastilquirón grupo hospitalariotony lebrandjamonerías el pinarautocares j pombojamoneria sieiroturismo coruñaconsultoría industrial