Esta web emprega cookies. Se continúas navegando estarás a aceptar o seu uso. Máis información
|| Infantil Fem. 2ªDiv: Compañia de María - Básquet Coruña Leyma I · 15/06/2019 12:00 Lorenzo de la Torre, Santiago

Primer equipo | 05/02/2016 16:42

Tito Díaz advirte da fortaleza da Palma Air Europa cando xoga fóra de casa

Tito Díaz advierte de la fortaleza del Palma Air Europa cuando juega fuera de casa

Despois da paréntese con motivo de Copa Princesa de Asturias 2016, a LEB Ouro volve ás pistas. Este domingo ás 12:00 horas o Leyma Básquet Coruña xoga en Riazor ante un dos equipos fortes da competición, a Palma Air Europa, que ocupa o quinto posto na táboa.

O conxunto insular chegará á cidade herculina ávido de gañar, tras sufrir tres derrotas consecutivas e cambiar recentemente de adestrador, un posto que recaeu no ata agora director deportivo, Xavi Xastre.

Tito Díaz é consciente da dificultade do encontro, tanto pola calidade dos xogadores visitantes como pola necesidade que teñen de cambiar o seu actual refacho. "É dos equipos máis fortes fose de casa", advirte o técnico laranxa, como o demostra que, das suas once vitorias, sete foron a domicilio e esta tempada só perderon tres partidos fora de Son Moix.

Ante estes datos, e co factor engadido de posibles novidades no xogo motivadas pola nova batuta desde o banco, os laranxas tentarán exercer unha sólida defensa, polo menos ao mesmo nivel que exhibiron en Lugo na última xornada e que lles permitiu regresar a casa cunha valiosa vitoria fronte ao Café Candeas Breogán.

Tito Díaz recoñece que xogadores da Palma como a base Mikel Uriz e o pivot Richi Guillén, claves na anotación e na repartición de xogo, non porán fácil ao Leyma Básquet Coruña "gañar dous partidos seguidos a dous grandes", co contratempo engadido da baixa de Anxo Hernández por lesión. Pero o conxunto herculino está preparado para dar a batalla e seguir loitando polos play off. Partido a partido.

Documentos adjuntos

audio-tito-diaz-previa-j20.mp3









non á violencia de xénero
Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro