Esta semana arrincan as sesións de tecnificación dirixidas Charlie Uzal para xogadores e adestradores do Club Básquet Coruña, comezando polo tres equipos junior masculinos.
A iniciativa, que se puxo en marcha a pasada tempada como ferramenta para mellorar a preparación técnica dos xogadores laranxas da base, está destinada ás categorías infantil, cadete e junior, e desenvolverase no Polideportivo de Elviña 1 os xoves de 19:00 a 20:00 horas. Cada un dos equipos, repartidos en diversos grupos de adestramento, participarán en tres sesións en semanas consecutivas, segundo o calendario establecido ata o mes de xuño.
Uzal, adestrador axudante do conxunto de LEB Ouro do club, estará acompañado en cada sesión por un xogador do primeiro equipo, xunto cos preparadores habituais dos deportistas participantes.
Esta actividade enmárcase na filosofía do Club Básquet Coruña de potenciar as relacións entre as diversas categorías da entidade, profesionais e base, fomentando as sinerxías como vía para mellorar a cualificación técnica de todos os xogadores e preparadores da familia laranxa, á vez que se fortalece o sentimento de pertenza e a identificación co proxecto do Club.
Os xogadores de LEO Ouro, padriños do minibasket
Nesta mesma liña, en febreiro continúa o programa de visitas dos xogadores de LEB Ouro aos equipos e escolas de minibasket apadriñados, tras os primeiros encontros celebrados en decembro, nos que os máis novos do Club recibiron os seus carnés de Básquets da man dos seus padriños de xogo. Este programa inclúe tamén a visita dos xogadores do primeiro equipo a partidos e actividades da base, así como a asistencia dos pequenos deportistas a adestramentos do equipo LEB Ouro todo iso no marco do convenio coa Fundación Emalcsa.
Con similares obxectivos, a semana pasada púxose en marcha a nova actividade ?adestrando con Chiqui Barros?, dirixida a formar aos técnicos máis novos durante as sesións de preparación cos seus respectivos equipos, de modo que os xogadores resultan igualmente beneficiados.
