Esta web emprega cookies. Se continúas navegando estarás a aceptar o seu uso. Máis información
LEB ORO: LECHE RIO BREOGAN - Leyma Coruña · 20/09/2019 18:00 A RAÑA, MARÍN || Junior Masc. 2ªDiv: Básquet Coruña J - C.B NOIA LOLITAMODA.COM · 21/09/2019 10:00 FONTIÑAS, SANTIAGO DE COMPOSTELA || Junior Fem. 1ªDiv: Básquet Coruña Leyma J - Compañía de Maria · 22/09/2019 12:00 RIAZOR 2, A CORUÑA || Cadete Fem. 2ªDiv: SEIS DO NADAL-COIA - Básquet Coruña Leyma C · 21/09/2019 20:00 NAVIA, VIGO || Infantil Fem. 2ªDiv: Básquet Coruña Leyma I - PORTO DO SON · 22/09/2019 17:00 RIAZOR 2, A CORUÑA

Primer equipo | 16/10/2015 18:33

Perico Díaz: "Se caemos pelexando ata o último segundo, seguimos no bo camiño"

Tito Díaz: "Si caemos peleando hasta el último segundo, seguimos en el buen camino"

O Leyma Básquet Coruña celebra o seu primeiro derbi de tempada mañá sábado ás 18:30 horas no Paco Paz, fronte ao Club Ourense Baloncesto. O adestrador Perico Díaz analizou esta mañá en rolda de prensa o choque galego na terceira xornada da liga, recoñecendo a dificultade do encontro fronte a un COB que de seu é un rival difícil e que ademais chega reforzado pola súa vitoria en Logroño, onde na pasada xornada logrou remontar desde unha diferenza máxima de 19 puntos e gañar con contundencia, anotando 53 puntos nos últimos 15 minutos de xogo. O técnico laranxa eloxiou o persoal ourensán, que aínda que tardou en completarse pola situación creada en torno ao posposto ascenso a ACB, combina experiencia e mocidade, así como talento e creatividade, xunto con esforzo.

No que respecta ao seu equipo, Perico Díaz lamentou que pasa por un momento de "travesía do deserto" en referencia ás sucesivas lesións dos xogadores, dando a coñecer que Joan Creus sufriu onte unha escordadura de nocello e por tanto é dúbida para mañá. Explicou que polo menos o equipo recupera a Larry Abia, un xogador que "achéganos fortaleza defensiva e capacidade no rebote", e anunciou a fichaxe de Sergio Vidal, que xogou en LEB Prata as dúas últimas tempadas e que se suma ao equipo durante as semanas que dure a baixa do capitán Jesús Castro.

Para o técnico do Leyma Básquet Coruña é importante a pronta recuperación de todos os xogadores para "poder manter o noso nivel os 40 minutos do partido", sen estar tan penalizados polo cansazo e as faltas. Considerou que o obxectivo para este ano é "competir sempre, e isto estámolo conseguindo", subliñando que "se caemos pelexando ata o último segundo seguimos no bo camiño".

Un camiño que para Perico Díaz pasa por seguir facendo o "baloncesto fresco e alegre" que o equipo puido exhibir en pretemporada e que tanto gusta aos propios xogadores e á afección, antes de que o conxunto comezase a acusar as baixas por lesión.










non á violencia de xénero

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro