Esta web emprega cookies. Se continúas navegando estarás a aceptar o seu uso. Máis información

Primer equipo | 18/03/2017 01:04

O Leyma Coruña tira de poderío interior para vencer ao conxunto ilerdense

El Leyma Coruña tira de poderío interior para vencer al conjunto ilerdense

Os de Tito Díaz deron esta noite un paso adiante no seu obxectivo de entrar nos playoff de ascenso á ACB, ao vencer en Riazor ao Actel Força Lleida por 83-71 nun choque no que os coruñeses foron de menos a máis. A primeira parte non facía prever un triunfo tan desafogado, posto que a escuadra visitante pareceu saír máis entoada que o Leyma Coruña, apoiándose no seu referente ofensivo Garrett Nevel e en José Simeón como director do xogo, e chegando a porse nove puntos arriba durante o primeiro cuarto.

O propio Tito Díaz explicou tras o duelo que os seus conseguiron chegar ao descanso sen grandes sobresaltos porque lograban anotar, pero faltaba intensidade defensiva e rebote, dous aspectos nos que dominaban os ilerdenses. O paso por vestiarios ao descanso serviu para dar o xiro necesario atrás e baixo os aros, logrando que o equipo visitante só anotase 13 e 16 puntos no terceiro e cuarto cuarto, e desde aí o Leyma Coruña puido rearmar a súa estratexia ofensiva. A este respecto, Tito Díaz destacou que "fomos moi intelixentes buscando balóns dentro, con moita paciencia contra o ataque contra zona e contra a defensa individual, e ao final conseguimos moitísimos puntos na pintura, que era onde entendiamos que tiñamos vantaxe".

En canto ao rendemento do equipo e as súas expectativas de face á recta final da liga, mostrou a súa satisfacción porque todos os xogadores achegaran a unha merecida e traballada vitoria, "e a estas alturas de tempada é moi importante". "Somos doce xogadores, tratamos de aproveitar isto, permítenos un ritmo alto e consistencia defensiva", engadiu. Na súa opinión, salvo que xurdan lesións polo camiño, o Leyma Coruña pode seguir mirando cara arriba, aínda que lembrou que falta mes e medio de competición, e por tanto, aínda que hoxe deuse un paso adiante, "queda un mundo".

O próximo duelo en casa será xa o domingo 2 de abril ás 12:30 fronte á Unión Financeira Baloncesto Oviedo. Pero antes haberá derbi romano na pista do Café Candeas Breogán este venres 24 ás 20:45 horas. Unha cita na que os laranxas esperan contar tamén co apoio da súa afección, para a que o Club habilitará medios de desprazamento. Máis detalles, en poucos días. #sentimentolaranxa

Documentos adjuntos

audio-tito-diaz.m4a










federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahouduacode soluciones webfundación emalcsaobra social la caixaimaxin softwareaudasatranviascaixabankiberostarcoca colaaltiawibociudad cristalhorno sanbrandanabeconsamastilquirón grupo hospitalariotony lebrandjamonerías el pinarautocares j pombojamoneria sieiroturismo coruñaconsultoría industrial