Larry Abia pecha o seu (primeira?) etapa no Leyma Coruña tras cinco tempadas. Hai xa varias semanas que o club lle trasladou ao xogador a decisión de non renovar o seu contrato e a súa total disposición para o que necesitase, aínda que non foi ata hoxe que o propio xogador ha oficializado a súa despedida, o momento que o Leyma Coruña considerou oportuno o dedicarlle unhas palabras de agradecemento.
O 14 de agosto de 2014, en dous días fará cinco anos, o Leyma Coruña anunciaba a contratación dun novo beirado procedente da canteira da Valencia Basket, que empezaba a dar os seus primeiros pasos no baloncesto profesional, tras debutar en ACB e Euroleague co seu club de orixe.
Larry Abia saía da súa contorna para crecer profesionalmente buscando protagonismo e minutos de xogo. Non foi para nada un camiño fácil o que tivo en Coruña, pois houbo de asumir un rol non principal no equipo ao que lle custou adaptarse ao comezo, pero que co tempo entendeu que era a mellor forma de construír e achegar en beneficio de todo o conxunto.
Grazas a iso saíron a relucir cualidades persoais como a súa humildade, compromiso e capacidade de esforzo que postas a disposición do equipo profesional e das actividades do club, fixéronlle gañarse un lugar moi especial no corazón dos nenos e afeccionados do Leyma.
Larry Abia viviu de primerísima man os momentos máis gloriosos do club en Leb Ouro con playoffs inesquecibles, como o do Breogán/Melilla (2015/16) e o de Manresa (2017/18), onde no seu mellor momento profesional atopou o infortunio dunha lesión que cortou a súa progresión e crecemento. Desde ese pozo soubo refacerse, demostrando unha vez máis que o sacrificio e esforzo son ferramentas que manexa con soltura e acompáñaas dun sorriso que lle serven para afrontar e superar esas dificultades.
Hoxe anunciamos a súa despedida, e o club en nome de toda a #FamiliaNaranja quere trasladarche o seu agradecemento por estes anos de compromiso e entrega, e desexarche moito éxito no seu novo club.
Ata pronto Larry.
