Esta web emprega cookies. Se continúas navegando estarás a aceptar o seu uso. Máis información
|| Senior Masc. 1ªDiv: Instituto Rosalía 78-77 Leyma Básquet Coruña · 17/06/2017 12:15 Santiago || Senior Masc. 3ªDiv: Básquet Coruña Senior 66-68 Fundacion Culleredo · 17/06/2017 18:00 Riazor II || Cadete Masc. 2ªDiv: Básquet Coruña 02 49-62 Santo Domingo Betanzos · 18/06/2017 10:30 Betanzos

Actividades | 25/01/2017 18:00

A relación pais e técnicos, primeiro tema das novas xornadas de formación para adestradores

La relación padres y técnicos, primer tema de las nuevas jornadas de formación para entrenadores

Co inicio do ano, o Club Básquet Coruña anuncia a celebración do seu segundo ciclo de xornadas de formación para adestradores, avaladas pola Federación Galega de Baloncesto. A primeira sesión terá lugar este domingo 29 de xaneiro ás 19:00 horas na aula do Palacio dos Deportes de Riazor e abordará un tema de notable interese social, que é a relación entre os pais dos xogadores e os técnicos, baixo o título "Adestradores e pais, xogamos no mesmo equipo?". A xornada correrá a cargo de Madó González, doutora en Psicoloxía e especialista en psicoloxía do deporte e a actividade física, así como monitora e xuíz de atletismo, entre outras facetas profesionais

Do mesmo xeito que o pasado ano, este ciclo de xornadas está aberto a todos os adestradores e adestradoras de baloncesto da Coruña e de Galicia en xeral. Así mesmo, poden asistir afeccionados ao baloncesto que desexen profundar nos temas abordados, do mesmo xeito que técnicos doutras modalidades deportivas.

Nesta edición do ciclo a temática centrarase nos primeiros anos de formación, con especial protagonismo do minibasket. Para asistir, tan só é necesario comunicalo previamente ao club, enviando un correo á dirección club@basquetcoruna.com

A Federación Galega de Baloncesto outorgará 3 horas de formación en cada xornada aos participantes que estean en proceso de obtención dalgún dos títulos de adestrador desta disciplina deportiva.

Un foro estable para a formación e o progreso do deporte galego

Co ciclo "E ti como adestras?", o Club Básquet Coruña pretende favorecer a formación dos seus adestradores/as e abrirse á colaboración con outras entidades deportivas da cidade e a súa contorna, ofrecendo un foro estable no que compartir coñecementos e experiencias da man de profesionais de prestixio, co fin último de contribuír ao progreso do deporte galego mediante a cualificación dos seus técnicos. Tamén se busca aproveitar sinerxías coa Federación Galega de Baloncesto e entre os propios clubs.

Programación ata xuño

Tras a primeira sesión deste domingo no Palacio dos Deportes de Riazor, as restantes charlas celebraranse na Polideportiva de Riazor 1, tamén ás 19:00 horas e co seguinte calendario:

19 de febreiro: "O pase en minibásquet", a cargo de Chiqui Barros.

19 de marzo: "Contraataque en categorías de formación", a cargo de Joaquín Moreira.

23 de abril: "O uso eficaz do bote no minibasket" a cargo de José Ángel Rivera Mozan.

21 de maio: "Pintura Barroca Holandesa: metodoloxía de adestramento para categorías de formación", a cargo de Javier Orosa.

18 de xuño: tema e experto pendentes de confirmación.










federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahouduacode soluciones webfundación emalcsaobra social la caixaimaxin softwareaudasatranviascaixabankcoca colaaltiawibohorno sanbrandanabeconsamastilquirón grupo hospitalariotony lebrandjamonerías el pinarautocares j pombojamoneria sieiroturismo coruñaconsultoría industrial