Esta web emprega cookies. Se continúas navegando estarás a aceptar o seu uso. Máis información

Actividades | 18/04/2017 17:02

José Ángel Rivera

José Ángel Rivera “Mozan” hablará sobre el uso eficaz del bote en el minibasket

Este domingo 23 de abril celébrase unha nova sesión das Xornadas de Formación para Adestradores "E ti como adestras?", organizadas polo Club Básquet Coruña. José Ángel Rivera "Mozan", técnico laranxa de longa experiencia especialmente na formación de categorías basee, falará sobre "O uso eficaz do bote no minibasket" na polideportiva de Riazor 1 ás 19:00 horas, continuando así coa atención aos primeiros anos de formación baloncestística nas idades máis temperás, tema central ao que este ano se está dedicando a segunda edición do ciclo.

Para asistir a esta cuarta charla do seis programadas ata xuño, tan só é necesario comunicalo previamente ao club, enviando un correo á dirección club@basquetcoruna.com. As xornadas están abertas a todos os adestradores e adestradoras de baloncesto da Coruña e de Galicia en xeral. Así mesmo, poden asistir afeccionados que desexen profundar nos temas abordados, do mesmo xeito que técnicos doutras modalidades deportivas. A Federación Galega de Baloncesto outorga 3 horas de formación por xornada aos participantes en proceso de obtención dalgún dos títulos de adestrador desta disciplina deportiva.

Próximas sesións

En maio e xuño celebraranse as dúas últimas charlas da presente edición. O domingo 21 de maio intervirá Javier Orosa, cunha charla titulada "Pintura Barroca Holandesa: metodoloxía de adestramento para categorías de formación". Polo momento, está pendente de confirmación o tema e o relator co que o domingo 18 de xuño porase o broche final ao ciclo.

Con este ciclo o Club Básquet Coruña pretende favorecer a formación dos seus adestradores/as e abrirse á colaboración con outras entidades deportivas, ofrecendo un foro estable no que compartir coñecementos e experiencias da man de profesionais de prestixio, co fin último de contribuír ao progreso do deporte galego mediante a cualificación dos seus técnicos. Tamén se busca aproveitar sinerxías coa Federación Galega de Baloncesto e entre os propios clubs.










federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahouduacode soluciones webfundación emalcsaobra social la caixaimaxin softwareaudasatranviascaixabankiberostarcoca colaaltiawibociudad cristalhorno sanbrandanabeconsamastilquirón grupo hospitalariotony lebrandjamonerías el pinarautocares j pombojamoneria sieiroturismo coruñaconsultoría industrial