Esta web emprega cookies. Se continúas navegando estarás a aceptar o seu uso. Máis información
|| Infantil Fem. 2ªDiv: Compañia de María - Básquet Coruña Leyma I · 15/06/2019 12:00 Lorenzo de la Torre, Santiago

Primer equipo | 13/04/2019 00:20

O Leyma Coruña desaproveita unha renda de 21 puntos e perde ante Tau Castelló (83-84)

El Leyma Coruña desaprovecha una renta de 21 puntos y pierde ante Tau Castelló (83-84)

O Leyma Coruña non soubo aproveitar unha renda de 21 puntos e sufriu unha dura derrota in extremis ante o Tau Castelló (83-84), que apraza a permanencia matemática unha xornada máis.

Entrou mellor no partido o conxunto castellonenco, que con ataques rápidos e acerto conseguía finalizar o primeiro cuarto seis arriba (14-20). Os coruñeses, que se apoiaban no segundo cuarto no acerto de xogadores como Jeff Xabier, ían aos poucos achegándose no marcador, ata que con triplo Stephens igualaba a contenda (36-36). Un novo arreón laranxa cara a que os locais se fosen o descanso arriba (43-38).

Chegaba o terceiro cuarto, que era o mellor do Leyma Coruña. Con Jeff e Zach liderando o ataque, os laranxas asinaban un parcial de 18-0 (57-38), mentres o cadro castellonenco atascábase en ataque, con case cinco minutos incapaz de anotar, ante a boa defensa local. Uns algarismos que encamiñaban o partido e deixaban, en aparencia, un último cuarto plácido (66-49).

A vantaxe aínda aumentaba ata os 21 puntos (76-55) con só 6.54 por xogarse. Era entón cando chegaba a desconexión do Leyma Coruña, un parcial de 17-0 deixaba a renda en tres puntos (78-75) a 03.02 para o final. Monaghan levantaba o Palacio cun triplo esperanzador (81-75) pero Jorge García e o exnaranja Javi Lucas apertaban o luminoso (81-79).

Cun arriba o Tau, tras os tiros libres anotados de Jorge García, Monaghan volvía pór ao Leyma por diante 83-82 a 20 segundos para o final dun duelo non apto para cardíacos. Roma Bas anotaba e deixaba o últimos tres segundos de posesión a un Leyma que non era capaz de anotar canastra e certificaba a súa derrota (83-84).

O próximo compromiso do Leyma Coruña será esye mércores 18 ante o Força Lleida ás 21 horas.








non á violencia de xénero
Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro