Esta web emprega cookies. Se continúas navegando estarás a aceptar o seu uso. Máis información

Primer equipo | 02/03/2015 09:53

O Leyma cae ante o COB en Ourense

El Leyma cae ante el COB en Ourense

O acerto no tiro exterior dos locais no primeiro tempo xunto ás perdas de balón dos nosos, fixo imposible a vitoria.

O Leyma entrou no partido frío, e sen capacidade de dar resposta ao ímpeto co que os locais, sabendo o que se xogaban, comezaron o partido. As perdas en balón en ataque por parte dos nosos sucedíanse unha tras outra mentres que os locais lograban ir pondo distancias no marcador mercé a un grandísimo acerto no tiro exterior. Cun resultado de 18 a 8 a favor dos locais terminaba o primeiro cuarto.

O segundo período non cambiou demasiado o guión, os nosos continuaban encadeando perdas ata chegar ás 14 ao descanso, mentres que os locais, mostraban un grandísimo acerto desde 6,75 (9 de 14 intentos ao descanso) que ía  ampliando aos poucos as distancias no marcador. Chegouse ao descanso cunha vantaxe de 19 puntos a favor de Ourense (45-26)

O paso polos vestiarios, parecía nun principio que non había grande efecto, pois nos primeiros instantes do terceiro período as vantaxes continuaron incrementándose ata chegar a unha máxima de 23 puntos (57-34) mediado este terceiro cuarto. A partir deste momento, as cousas cambiaron e os nosos tiraron de orgullo, incrementaron o nivel defensivo  e tentaron aproveitar a superioridade mostrada no rebote para correr o contraataque, unha situación na que o equipo se atopaba máis cómodo. Así se foron reducindo as distancias ata deixar a desvantaxe en 17 puntos ao termo deste terceiro período.

Aínda que parecía imposible a remontada, os nosos seguiron crendo nas súas posibilidades, e seguiron o guión marcado nos últimos minutos do terceiro período, as distancias ían paulatinamente minguando, ata chegar aos 4 puntos de vantaxe a favor dos locais (67 a 63) a pouco máis de dous minutos para o final do partido. Neses momentos apareceu a experiencia e saber estar do COB, que non lle tremeu a man nos últimos minutos  e non deu opcións aos nosos. Ao final o marcador reflectía un 73 ? 66 para o COB.

O próximo partido para os nosos será o Domingo á 12 fronte á Palma Air Europa, equipo no que milita o ex Leyma Mario Cabanas e que nestes momentos, ocupa a 8ª posición con 12 vitorias e 10 derrotas.

CLUB OURENSE BALONCESTO (18+27+17+11) 73: Rivero (0), Arco (2), Edu Martínez (25), Fieler (10), Busma (9) ?cinco inicial- C.Díaz (9), Brothers (8), Suka (6), Rejón (0) e Geramipoor (4).

LEYMA BÁSQUET CORUÑA (8+18+19+21) 66: Anxo Hernández (4), Jesús Castro (4), Homs (4), Burjanadze (11), Rowley (8) ?cinco inicial- Vujasinovic (5), Abia (0), Mutakabbir (24), Petrovic (2) e Dobos (4).

Estatísticas do partido. 








non á violencia de xénero

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro