Esta web emprega cookies. Se continúas navegando estarás a aceptar o seu uso. Máis información
|| Infantil Fem. 2ªDiv: Compañia de María - Básquet Coruña Leyma I · 15/06/2019 12:00 Lorenzo de la Torre, Santiago

Actividades | 14/04/2016 11:08

O Leyma Básquet Coruña dedica o seu partido deste venres en Riazor á Síndrome de Down

El Leyma Básquet Coruña dedica su partido de este  viernes en Riazor al Síndrome de Down

Coa vista posta na inminente fase de playoff de ascenso á ACB, o Leyma Básquet Coruña apura as súas horas de adestramento de face ao choque da última xornada da liga regular, que terá lugar pasadomañá venres ás 21:00 horas no Palacio dos Deportes de Riazor fronte ao Actel Força Lleida. Os de Perico Díaz dedicarán este encontro a apoiar ás persoas con síndrome de Down e as súas familias, visibilizando o traballo que neste ámbito desenvolve a Asociación Down Coruña desde a súa creación no ano 2000.

Dita entidade será por tanto a protagonista, especialmente durante o descanso do partido, do programa ?15 partidos, 15 causas" que ao longo de toda a tempada patrocina a Obra Social ?a Caixa? co fin de solicitar apoio e dar visibilidade ao traballo que innumerables entidades desenvolven na Coruña e a súa contorna en prol de colectivos especialmente vulnerables por diversas causas.

A Asociación Down Coruña, que recentemente inaugurou as súas novas instalacións en Pedralonga, centra o seu traballo en desenvolver os potenciais e capacidades das persoas con esta síndrome, promovendo que sexan elas mesmas quen elixan o lugar que queren ocupar no medio social, familiar e laboral, en función das súas capacidades e motivacións e sempre co apoio das súas familias e dos profesionais que traballan para a entidade.

Así mesmo, realiza un importante labor de divulgación e sensibilización, co fin de dar a coñecer esta realidade e favorecer a plena integración das persoas con síndrome de Down en todos os sentidos, tanto familiar como social, escolar e laboral.








non á violencia de xénero
Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro