Esta web emprega cookies. Se continúas navegando estarás a aceptar o seu uso. Máis información
|| Infantil Fem. 2ªDiv: Compañia de María - Básquet Coruña Leyma I · 15/06/2019 12:00 Lorenzo de la Torre, Santiago

Primer equipo | 11/05/2017 16:00

O Club lanza prezos especiais para gozar o primeiro playoff de ascenso á ACB

El Club lanza precios especiales para disfrutar el primer playoff de ascenso a la ACB

O Leyma Coruña afronta con ilusión os seus partidos como local na eliminatoria de cuartos de final de playoff de ascenso a ACB tras volver da cidade palentina recuperando o factor cancha. A afección coruñesa non esquece as emocionantes series de cuartos e semifinais da tempada pasada, e o Club xa ten todo listo para que o sentimento laranxa volva encher as bancadas do Palacio dos Deportes de Riazor.

A cita na Coruña será o venres 12, cando se celebrará o terceiro partido da primeira rolda eliminatoria fronte ao Queixos Cerrato Palencia. Haberá un cuarto partido, o domingo 14 ás 18:00 en Riazor, e de ser necesario un quinto para o desempate, coruñeses e palentinos volverían verse as caras o martes seguinte na pista do segundo.

Prezos dos abonos para un ou dous partidos

De face aos encontros na nosa cidade, o Club lanza unha oferta especial de prezos. Os socios con carné de tempada poderán asistir gratis aos dous encontros e poderán retirar unha entrada de cortesía por 5 euros para cada partido. Os abonados adultos e os abonos de empresa pagarán 10 euros por un encontro e 15 se adquiren un pack para os dous, o mesmo prezo fixado para os abonados familiares. Neste último caso, os nenos poderán acceder con invitación que se retirará ao comprar a entrada de adulto.

En canto ao público xeral, os importes son de 15 euros para un partido e de 20 para os dous, mentres que os menores de 25 anos pagarán 8 e 10 euros respectivamente. Os xogadores e xogadoras do club accederán gratis, mentres que o prezo para os abonados especiais -persoas desempregadas ou con diversidade funcional- redúcese a 5 e 8 euros.

Unha tempada máis, o Club e o seu primeiro equipo fan unha chamada á súa afección e a todos os coruñeses para sentir o seu apoio desde a bancada e para gozar xuntos dun espectáculo garantido de bo baloncesto e moita paixón. #dereitoasoñar
A venda anticipada de entradas xa está aberta desde hoxe nas oficinas do club en Arquitecto Rei Pedreira 3 baixo de 10:00 a 13:30 e de 16:30 a 20:00. A partir do martes activarase tamén a venda en liña, a través da web oficial do club, basquetcoruna.com









non á violencia de xénero
Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro