Esta web emprega cookies. Se continúas navegando estarás a aceptar o seu uso. Máis información

Equipos base | 03/12/2015 12:41

Crónica Infantil feminino Leyma Básquet Coruña 02

Crónica Infantil femenino Leyma Básquet Coruña 02

Esperábase complicada esta cuarta xornada de liga infantil feminina zonal cun enfrontamento fronte ao líder, C.B. Culleredo, que chegaba invicto ante un Básquet Coruña Leyma 02 aínda minguado polo seu baixas pero co optimismo que dan as progresivas recuperacións das xogadoras lesionadas.

O noso obxectivo principal era estar en partido o maior número de minutos posibles ante un equipo que vén de endosar marcadores moi altos a todos os seus rivais, e o que se viu en pista premiou de longo o esforzo realizado durante estes dous meses de tempada.

Empezaba o partido coas nosas mozas moi concentradas e metidas no partido e con numerosos fallos de parte de ambos os equipos de face ao aro, en parte debido á intensidade con que se aplicaban as defensas. O primeiro parcial de 10-14 e o segundo de 9-14 convidaban a pensar que se podía competir polo encontro.

Na segunda parte cambiou o panorama, coas xogadoras locais bastante cansas, apertando en defensa pero con máis oportunidades anotadoras para as rivais, cun 9-18 que afastaba progresivamente ás visitantes. No último cuarto a diferenza disparouse, cun parcial de 6-20 que plasmou a vantaxe no rebote do C.B. Culleredo que nos sacaba varios centímetros de vantaxe en cada xogadora e que foi xusto merecedor da vitoria por 34-64.
Non puidemos contar aínda coas lesionadas Mayte Villca, Sofía Cernadas e Tania Viqueira, que aínda así acudiu para sumar co seu equipo.

Parabén ás mozas polo esforzo realizado, cunha bancada soberbia que pon tanta enerxía como o banco.

Básquet Coruña Leyma 02 (10+9+9+6) 34: Adela Villar, Sara Lara, Lucía Méndez, Iria Candal, Sara Añón, Tania Viqueira (lesionada), Esther Veiga, Martina Gutiérrez (alevín) e Sara Fernández.

Adestradoras: Edda Beltrán, Olalla Luaces, Laura Pozo.

C.B. Culleredo (14+14+18+20) 64: Fleiffel, Lado, Raizan, González, Matogueira, Fernández, Rivas, Segade, Borrás, Rorado e Praza.

Adestradores: Gonzalo Faya e Ana Quiroga.








non á violencia de xénero

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro