Esta web emprega cookies. Se continúas navegando estarás a aceptar o seu uso. Máis información
LEB ORO: LECHE RIO BREOGAN - Leyma Coruña · 20/09/2019 18:00 A RAÑA, MARÍN || Junior Masc. 2ªDiv: Básquet Coruña J - C.B NOIA LOLITAMODA.COM · 21/09/2019 10:00 FONTIÑAS, SANTIAGO DE COMPOSTELA || Junior Fem. 1ªDiv: Básquet Coruña Leyma J - Compañía de Maria · 22/09/2019 12:00 RIAZOR 2, A CORUÑA || Cadete Fem. 2ªDiv: SEIS DO NADAL-COIA - Básquet Coruña Leyma C · 21/09/2019 20:00 NAVIA, VIGO || Infantil Fem. 2ªDiv: Básquet Coruña Leyma I - PORTO DO SON · 22/09/2019 17:00 RIAZOR 2, A CORUÑA

Equipos base | 13/05/2018 22:20

Crónica BC Leyma Ou16- Arteixo: As certezas

Crónica BC Leyma U16-  Arteixo, vuelta de copa. Saludito:  Las certezas

Xogar en Riazor sempre sabe a gloria, pero é terrible xogar con certezas.
Desaparece a espiral que che enchufa á corrente e fai que deas un pouquiño máis do que pensabas polo si ou polo non. Ganas a ida de bastante e xa baixa inconscientemente o nivel de adestramento da semana. Pásalle a todo o mundo, por máis que digamos a voz en pescozo que noooooooo, que nós adestramos sempre a lume de biqueira.

Boa semana a pesar de que pinta alcanzable esta volta cunha renda tan cómoda. Vémonos reforzadas pola colaboración inestimable de algunha infantil que se sobe ao carro para gozar dunha boa tarde de básket.
Sabemos que o seguinte chanzo é máis difícil e que se estreitará a marxe de erro, pero as miradas crúzanse coa certeza de que hoxe se acaban as oportunidades para xogar sen mirar ao marcador.

Bo ambiente para empezar co noso tímido 9-7, xa dan ganas de polo na marcadora antes de empezar e aforrarnos o primeiro cuarto. Aí vai o segundo?adiviñan? 22-11. Parecemos abonadas a esta arrancada inexplicable, como o oso que se despereza e di: agora apetéceme comerme todo xunto, ao cámara tamén.

Dixestión no descanso, e parece que na segunda parte en xeral. Agora o xogo é menos vistoso pero máis serio e centrado no colectivo, en todo o que nos falla cando nos aceleramos. Aproveitamos para xogar os nosos inxenuos intentos de táctica organizada, por que non, é bo momento para crecer. 14-6, reza o terceiro parcial, e nótase a seriedade defensiva. O xogo vese  afectado polo pouco tempo que me deixas en pista, hoxe somos moitas para repartir minutos pero tamén somos xenerosas. 13-8 no último e os sorrisos de orella a orella. Non se pode pedir máis?

Pero resulta que queremos máis. Haberá que subir as escaleiras de tres en tres, porque somos moi conscientes de que o que levamos nos petos aínda é solto e o que nos espera a partir de agora é un rival do grupo de arriba. Máximo respecto e moito traballo. Imos a iso, equipo!

BÁSQUET CORUÑA LEYMA Ou-16 (9+22+14+13) 69: Sofía Martínez, Sofía Cernadas, Iria Candal, Adela Villar, Lilly García, Esther Veiga, Mayte Villca, Branca Fernández, Verónica Payo e Lucía Sande.
Adestradoras: Edda Beltrán, Olalla Luaces e Laura Pozo.


CB ARTEIXO DUACODE (7+11+6+8) 39: Rodríguez, A., Quintáns, Mira, Rodríguez, S., Toja, Area, Senra e Fernández.
Adestrador: Iván García.









non á violencia de xénero

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostarcoca colaaltiabanco sabadellwibohorno sanbrandanabeconsamastilquirón grupo hospitalarioautocares j pombojamoneria sieiro