Esta web emprega cookies. Se continúas navegando estarás a aceptar o seu uso. Máis información

Equipos base | 17/03/2018 10:00

Crónica BC Leyma Ou16 - Sta. Mª do Mar: Nin pena nin medo

Crónica BC Leyma U16 - Sta. Mª del Mar: Ni pena ni miedo

Complicado xogar fóra de foco. Telo todo para gañar a pesar da hora.

A sesta é traizoeira cando se trata de facer deporte. Se es ti soa, mala sorte, pero se ademais te tes que entender con outro nove que traen a almofada no ollo, o asunto cobra outras dimensións. Sumar certa euforia de fondo que che chega como un eco afastado? si, saben que o rival non gañou aínda. Santa María del Mar preséntase entusiasmado, estrear adversarios sempre ilusiona e cunha adestradora que sabe ler entre liñas e entende tan ben a formación séntesche como en casa.

Agora a papeleta é nosa. Podes propor todos os teus básicos xuntos, tirar de principios, de actitude, pódeseche encher a boca de que é o día de pór en práctica aquilo que nunca sae, pero no fondo sabes que é difícil conter aos galgos. Saímos a romper nun polo si ou polo non irresistible que deixa as cousas claras no primeiro cuarto. (4-20) e a ver que facemos agora. O segundo non é moi distinto, bo si, tentamos xogar a algo e comprobamos que non o facemos tan ben como pensabamos. Perdemos moito cando paramos o balón e nos trabamos no xogo colectivo. (4-13) e a buscar novos retos.

Saímos á segunda parte tras un breve descanso en pista. Podes ver diante e tí un deserto ou a oportunidade perfecta. Respectar ao rival é dar o mellor de tí mesmo e se o que estamos a facer non nos ensina nada novo, buscar outros horizontes que demostren que se pode crecer e mellorar en cada situación. (8-15) e todos os puntos encaixados son por non pechar o rebote.
Aí tes o teu talón de Aquiles, todas as túas carencias ao descuberto. Se non queres traballar xa é cousa túa. Axustámonos por un intre ao rival, como é previsible, pero saímos a tempo nun último parcial (6-23) que demostra que aínda non asumimos con perfección a responsabilidade individual e que non se necesita recuperar o balón constantemente debaixo do aro rival para xerar xogo de ataque. O respecto mutuo e o abrazo final lémbrannos cantas veces estivemos alén?

Se vas ao deserto de Atacama podes ver a frase que o poeta Raúl Zurita fixo  escavar na terra (ou máis ben camiñar por encima, mide máis de 3 quilómetros e só se ve desde o ceo): "Nin pena nin medo". Non require comentarios: Nin pena polo vivido nin medo polo que quede por vivir.
Así pois, collamos a luva e a seguir traballando.


SANTA MARÍA DEL MAR (4+4+8+6) 22: Souza, Fraga, Álvarez, Ares, Castro, Mateo, García, Fernández, López, Branco e Romeira.
Adestradores: Paula Burillo e P. Mérida.

BÁSQUET CORUÑA LEYMA Ou16 (20+13+15+23) 71: Sofía Martínez, Sofía Cernadas, Iria Candal, Carla Castro, Adela Villar, Branca Fernández, Verónica Payo, Lucía Sande e Mayte Villca. Animou ao equipo Esther Veiga.
Adestradoras: Edda Beltrán, Olalla Luaces, Laura Pozo.








non á violencia de xénero

Deseño Web Duacode




federación española de baloncestofederación galega de baloncestodeporte galegoxunta de galiciaayuntamiento de a coruñadeputación da coruñamahougbs financeduacode. software y diseño. mezclado, no agitado.fundación emalcsadeporte solidarionon á violencia de xéneroobra social la caixaimaxin softwareaudasatranviascaixabankiberostaraltiaagra das mil medaswibohorno sanbrandanabeconsamastilquirón grupo hospitalarioautocares j pomboarkivoltatermariaad grupo regueiraaurencentro negocios finisterred calvodos deportegalimascota tanatoriosmarineda citymarineda city