O Leyma Coruña xoga este fin de semana ás 18.00 horas o partido de volta do Trofeo Minho Galiza ante o Vitória Guimaraes SC no Palacio dos Deportes de Riazor, dentro da súa batería de amigables que comezou o pasado venres 8 rendendo visita ao Benfica.
Un encontro o que se impuxo a escuadra lusa (94-74) pero que brindou aos nosos xogadores minutos para ir collendo ritmo competitivo ante o campión portugués. Ademais, o choque serviu para que as novas pezas do actual persoal Jorge Sanz, Trevor Cooney, Michael Torres, Eduardo Hernández Sonseca, Dimitry Flis, Jesse Chuku e Jonathan Gilling vaian amoldándose á columna vertebral laranxa que integran Anxo Hernández, Pablo Ferreiro, Larry Abia e Sergio Olmos.
O segundo compromiso do pasado fin de semana foi o Vitória Guimaraes SC , o duelo de ida integrado dentro do Trofeo Minho Galiza, no que se impuxeron os mozos de Gustavo Aranzana (78-90). Este domingo os laranxas terán a oportunidade ante a súa afección de alzarse coa vitoria nesta competición, no choque que se disputará no Palacio dos Deportes de Riazor.
Nese encontro, cuxa entrada será libre, haberá unha caseta habilitada para que todas as persoas que o desexen poidan facerse socios ou abonados do Leyma Coruña e vivir desde dentro a #tolemialaranxa.
Esperámosvos afección laranxa este domingo para a estrea do noso primeiro equipo!
