A nutrida canteira laranxa do Básquet Coruña quedou inmortalizada unha tempada máis e todos os nosos xogadores xa poden descargar na páxina web do club o cromo coa súa foto así como a instantánea colectiva cos seus respectivos equipos.
Ademais da participación de todas as escuadras de canteira cos seus adestradores, tamén estivo o primeiro equipo e o seu corpo técnico, a directiva laranxa, D. Jesús Lence, o noso principal patrocinador, ademais do alcalde da Coruña, Xulio Ferreiro, e o concelleiro de Deportes, Cultura e Coñecemento, José Manuel Sande. Todos eles sacáronse unha foto de familia no Palacio dos Deportes de Riazor.
Como feito distintivo este ano todos os nosos xogadores colocáronse unha calcomanía no brazo co escudo do club e cunha serie de valores que se tratan que transmitir a través do baloncesto: esforzo, equipo, diversión, respecto e emoción. Con cada unha destas palabras os membros dos diferentes equipos pousaron tanto nas fotos individuais como nas de familia. Unha forma de subliñar eses valores innegociables e que forman parte da práctica deportiva e que día a día os adestradores do club laranxa tratan de inculcar aos seus xogadores.
