120 participantes gozaron do Campus de Nadal do Básquet Coruña

O Campus de Nadal do Básquet Coruña contou con 120 participantes que gozaron practicando baloncesto nun contexto deportivo e lúdico. Realizáronse dúas quendas, o primeiro do 26 ao 29 de decembro, e o segundo do 2 ao 5 de xaneiro. As instalacións foron Calvo Sotelo, a Polideportiva do Agra 2 e A Normal (Antigo Maxisterio).

Os xogadores e xogadoras aprenderon da man de monitores especializados fundamentos técnico-tácticos do baloncesto de forma lúdica e recibiron a visita de xogadores do primeiro equipo. Como colofón, tanto eles como as súas familias foron convidados o encontro deste pasado domingo día 7 ante o CB Clavijo, gozaron coa vitoria dos laranxas e, ademais, realizaron a xa tradicional foto de familia co primeiro persoal.

Desde o Club Básquet Coruña queremos dar as grazas aos nosos patrocinadores e colaboradores Fundación Deporte Galega, UDC e HornoSanbrandán polo seu apoio no desenvolvemento desta actividade.

Así mesmo, aproveitamos para lembrar ás familias dos participantes no Campus que hoxe recibirán unha enquisa de satisfacción para valorar a organización das dúas quendas e axudarnos cos seus comentarios a mellorar de face a próximas edicións.